Адбыўся дзелавы візіт дэлегацыі банка ў Дзяржаву Ізраіль

У пачатку красавіка 2013 года прайшоў дзелавы візіт дэлегацыі ААТ «ААБ Беларусбанк» на чале са Старшынёй Праўлення Сяргеем Пісарыкам у Дзяржаву Ізраіль.

У ходзе візіту адбыліся сустэчы з кіраўніцтвам страхавой кампаніі ASHR'A, буйнейшых ізраільскіх банкаў: BankHapoalim, BankLeumile-IsraelBM, IsraelDiscountBankLimited, Mizrahi-TefahotBank, а таксама з іншымі прадстаўнікамі ізраільскіх дзелавых колаў.

Абмяркоўваліся пытанні доўгатэрміновага фінансавання з пакрыццём страхавой кампаніі ASHR'A паставак ізраільскага абсталявання для мадэрнізацыі беларускіх прадпрыемстваў, супрацоўніцтва ў галіне дакументарных аперацый і гандлёвага фінансавання, магчымасць наладжвання карэспандэнцкіх адносін.

 israel

Злева направа: ЗвіХаламіш - выканаўчы дырэктар ASHR'A, Сяргей Пісарык - Старшыня Праўлення ААТ «ААБ Беларусбанк», Давід Кляйн - кіраўнік падраздзялення маркетынгу і развіцця бізнесу ASHR'A, Алекс Авербух - менеджар па маркетынгу ASHR'A.