Юбіляр атрымаў «прапіску» ў Віцебску, стаўшы своеасаблівым падарункам банка фестывальнаму гораду.
Першапачаткова ў інфакіёсках, сетка якіх банк пачаў развіваць з 2003 года, можна было толькі праглядзець даведачную інфармацыю і заплаціць за мабільны тэлефон. На працягу апошніх гадоў спектр магчымасцяў інфакіёскаў значна пашырыўся, і трымальнікі пластыкавых картак могуць у іх праводзіць плацяжы за камунальныя паслугі, хатні і мабільны тэлефон, інтэрнэт, паслугі аховы і т. д.
Акрамя таго, з дапамогай зручнага меню інфакіёска можна здзейсніць перавод беларускіх рублёў з карт-рахунку на карт-рахунак, папоўніць электронны кашалёк, укладны рахунак, падключыць паслугу «Аўтааплата» і SMS-банкінг, правесці дабрачынныя плацяжы, набыць квіткі на міжгароднія аўтобусы, якія адпраўляюцца з Мінска, Віцебска, Пінска, Маладзечна, Магілёва, Брэста, Баранавічаў. Інфакіёск дазваляе паглядзець даведачную інфармацыю аб банку, курсах валют, банкаўскіх паслугах, даведацца пра вынікі розыгрышу латарэй «Ваша лато», «Суперлато» і «Пяцёрачка».
У цяперашні час Беларусбанк з'яўляецца лідэрам айчыннага банкаўскага бізнесу. Доля яго інфакіёскаў на рынку складае 63,7%. Плацежныя прылады, якія даюць доступ да банкаўскіх сэрвісаў 24 гадзіны ў суткі 7 дзён у тыдзень, размешчаны ва ўсіх рэгіёнах краіны, прычым не толькі ў банкаўскіх аддзяленнях, але і на вакзалах, у буйных крамах, на ажыўленых вуліцах, што дазваляе істотна эканоміць час і не наведваць банк для правядзення розных плацяжоў. Скарыстацца інфакіёскам можа трымальнік пластыкавай карткі не толькі ААТ "ААБ Беларусбанк", але і іншых банкаў краіны.
Банк плануе і далей пашыраць пералік аперацый, што дазволіць умацаваць ролю пластыкавай карткі як незаменнага і зручнага сродкі правядзення безнаяўных плацяжоў.
Усяго па стане на 01.11.2011 у абарачэнні знаходзяцца 4,9 млн. пластыкавых картак ААТ "ААБ Беларусбанк". Доля безнаяўных аперацый па пластыкавых картках у агульным аб'ёме расходных аперацый з выкарыстаннем пластыкавых картак у сетцы банка за кастрычнік 2011 года склала 21,54% пры 17,62% за снежань 2010 год.
Дзейнічае 21 345 электронных тэрміналаў у прадпрыемствах гандлю і сэрвісу, 2 040 пунктаў выдачы наяўных, 1 956 пунктаў прыёму камунальных плацяжоў.
Прэс-служба ААТ «ААБ Беларусбанк»