Першачарговая задача ААБ «Беларусбанк» у абслугоўванні кліентаў – садзейнічанне развіццю бізнесу кліента праз аказанне яму банкаўскіх паслуг. Сёння банк прапануе сваім кліентам звыш 135 відаў паслуг: ад стандартных паслуг па разлікова-касавым абслугоўванні да шматлікіх паслуг міжнароднага ўзроўню.
Выкарыстанне ў працы з кліентамі сучасных тэхналогій дазваляе нашым кліентам ажыццяўляць аддаленае кіраванне рахункамі пры дапамозе сістэмы «Кліент-банк». У 2006 годзе дадзеная сістэма ўкаранёна больш чым у тысячы кліентаў, завершаны стоадсоткавы пераклад на гэтую паслугу карпаратыўных кліентаў 1-га, 2-га і 3-га класаў. Задача банка ў 2007 годзе-максімальна ўкараніць сістэму аддаленага абслугоўвання «Кліент-банк».
Страхоўкі і страхавыя паслугі
З мэтай павелічэння спектру паслуг ААБ «Беларусбанк» цесна супрацоўнічае са страхавымі арганізацыямі. З прадпрыемствам «Белдзяржстрах» заключаны дагаворы даручэння аб ажыццяўленні банкам пасрэдніцкай дзейнасці па заключэнні дагавораў абавязковага страхавання грамадзянскай адказнасці ўладальнікаў транспартных сродкаў (юрыдычных асоб і індывідуальных прадпрымальнікаў).
Страхавыя полісы
Ажыццяўляецца рэалізацыя праз установы банка страхавых полісаў «Зялёная карта». У трэцім квартале мінулага года падпісаны дагавор па выкананні ААБ «Беларусбанк» функцый страхавога агента па продажы страхавых полісаў аўтакаска.
Больш за 10 тысяч прадпрыемстваў, арганізацый і ўстаноў знаходзяцца ў банку на абслугоўванні па выдачы заработнай платы з выкарыстаннем банкаўскіх пластыкавых картак. У іх ліку ПА «Мінскі трактарны завод», ВРУП «Мінскі аўтамабільны завод», ЗАТ «Атлант», ААТ «Мінскі падшыпнікавы завод», ААТ «Гарызонт», ПА «Беларуськалій», СП ААТ «Брэстгазаапарат», ПА «Нафтан», РУП ПА «Палімір», ААТ «Мінскі прыборабудаўнічы завод», ААТ «Мазырскі НПЗ» і іншыя.