Ці магчыма праходжанне практыкі ў ААТ «ААБ Беларусбанк» студэнтам вышэйшай/сярэдняй спецыяльнай навучальнай установы вочнай/завочнай формы навучання?
Арганізацыя праходжання практыкі ў ААТ «ААБ Беларусбанк» ажыццяўляецца на падставе дагавораў, заключаных з вышэйшымі і сярэднімі спецыяльнымі навучальнымі ўстановамі Рэспублікі Беларусь, для студэнтаў і навучэнцаў, якія навучаюцца па неабходных для банка спецыяльнасцях у дзённай форме атрымання адукацыі, з сярэднім балам паспяховасці не ніжэй за 6,0 бала (калі іншае не ўстаноўлена ўмовамі дагавору). Праходжанне ў банку практыкі асобамі, якія навучаюцца ў вячэрняй або завочнай форме атрымання адукацыі і якія не з’яўляюцца работнікамі банка, не ажыццяўляецца.
Па пытаннях арганізацыі праходжання практыкі ў банку студэнтам і навучэнцам неабходна звярнуцца ва ўстанову адукацыі да непасрэднага куратара або кіраўніка практыкі.
Які парадак звароту па пытанні працаўладкавання ў банк
Азнаёміцца з патрабаваннямі і пералікам вакансій, а таксама запоўніць анкету саіскальніка магчыма на карпаратыўным сайце ААТ «ААБ Беларусбанк» у раздзеле «Праца ў банку».
Анкета саіскальніка разглядаецца службай па рабоце з персаналам, і, у выпадку адпаведнасці патрабаванням існуючай вакантнай пазіцыі, спецыяліст службы звязваецца з саіскальнікам для дэталёвага абмеркавання і запрашэння на сумоўе.
Пры ўмове прадастаўлення саіскальнікам згоды на апрацоўку персанальных даных, анкета на працягу 1 года захоўваецца ў базе даных ААТ «ААБ Беларусбанк» для магчымага разгляду ў будучым.