Дэнамінацыя

- Як ажыццяўляецца абмен грашовых знакаў узору 2000 года на грашовыя знакі ўзору 2009 года?

Абмен грашовых знакаў узору 2000 года на грашовыя знакі ўзору 2009 года ажыццяўляецца без спагнання ўзнагароджання:

з 1 студзеня 2017 года па 31 снежня 2019 года - у Нацыянальным банку, банках і нябанкаўскіх крэдытна-фінансавых арганізацыях Рэспублікі Беларусь;

з 1 студзеня 2020 года па 31 снежня 2021 - у Нацыянальным банку Рэспублікі Беларусь.

- Чаму ў 2016 годзе ў Рэспубліцы Беларусь праведзена дэнамінацыя?

Макраэканамічная палітыка, што праводзілася ў 2015 годзе, сфарміравала ўзровень унутранай і знешняй збалансаванасці эканомікі, блізкі да таго, які неабходны для пачатку правядзення дэнамінацыі. Згодна з Указам Прэзідэнта Рэспублікі Беларусь ад 4 лістапада 2015 г. №450 з 1 ліпеня 2016 г. праведзена дэнамінацыя афіцыйнай грашовай адзінкі (беларускага рубля) у суаднясенні 1:10000.

- Як пасля дэнамінацыі ажыццяўляецца акругленне?

Акругленне праводзіцца да двух дзесятковых знакаў пасля коскі, гэта значыць да 1 капейкі. Выкарыстоўваюцца арыфметычныя правілы: другі дзесятковы знак пасля коскі павялічваецца на 1, калі трэці складае 5 і больш; калі ён менш пяці - другі дзесятковы знак не змяняецца. Трэці і чацвёрты дзесятковыя знакі пасля коскі адкідваюцца (напрыклад, 48 259 рублёў - 4 руб. 83 кап.).