30 чэрвеня адбылося пасяджэнне Пастаяннай камісіі Савета Рэспублікі Нацыянальнага сходу па эканоміцы, бюджэце і фінансах. Удзел у сустрэчы прыняў намеснік старшыні Пастаяннай камісіі Віктар Ананіч.
У ходзе мерапрыемства быў разгледжаны шэраг пытанняў. Адны з ключавых тэм павесткі дня пасяджэння камісіі – справаздачы членаў Пастаяннай камісіі аб праведзенай рабоце за мінулы перыяд 2020 г., у тым ліку аб рабоце з насельніцтвам і зваротамі грамадзян і план работы камісіі на 2-ое паўгоддзе бягучага года.
Па заканчэнні мерапрыемства адбылося закрыццё другой сесіі Савета Рэспублікі Нацыянальнага сходу сёмага склікання.
Выступаючы перад сенатарамі, спікер верхняй палаты Парламента Наталля Качанава адзначыла, што бягучая сесія па сваім характары была насычанай і рознапланавай. Савет Рэспублікі адобрыў 51 заканапраект, у тым ліку 37 аб ратыфікацыі міжнародных дагавораў. Прыняты да ўвагі 3 дэкрэты Прэзідэнта Рэспублікі Беларусь. Зацверджаны найважнейшыя фінансавыя дакументы краіны – справаздачы аб выкананні рэспубліканскага бюджэту і бюджэту фонда сацыяльнай абароны насельніцтва за 2019 год.
Член Савета Рэспублікі Віктар Ананіч таксама прыняў удзел у нарадзе па пытаннях работы дэпутацыі нашай краіны ў Парламенцкім Сходзе Саюзнай дзяржавы Беларусі і Расіі.
Аддзел камунікацый