Праграма «Комплексная абарона бізнесу» прызначана для абароны бізнесу
- ад шкоды, нанесенай маёмасці ў выніку пажару, выбуху, падзення лятальных апаратаў, іх частак, небяспечных прыродных з’яў і працэсаў, заліцця, неправамерных дзеянняў трэціх асоб;
- ад страт з-за вымушанага перапынку ў вытворчасці ў выпадку пашкоджання застрахаванай маёмасці;
- пры наступленні выпадкаў грамадзянскай адказнасці перад трэцімі асобамі.
Праграма «Комплексная абарона бізнесу» створана для адказных прадпрымальнікаў (юрыдычных асоб, індывідуальных прадпрымальнікаў, рамеснікаў), якія арыентаваны на рост і развіццё, абарону маёмасных інтарэсаў сваёго бізнесу і мінімізацыю рызыкі.
Памер пакрыцця па рызыках вы выбіраеце самі.
Аформіце поліс анлайн:
- без ацэнкі і агляду маёмасці,
- без прадастаўлення справаздачнасці.
Для заключэння дагавору не абавязкова быць кліентам нашага банка. Сэрвіс даступны пры наяўнасці адкрытага рахунку ў любым з банкаў Рэспублікі Беларусь
Умовы страхавання
Што можна застрахаваць
Нерухомасць (будынкі, асобныя памяшканні, збудаванні (канструктыўныя элементы, унутраная і знешняя адстройка памяшканняў, інжынернае і вытворча-тэхналагічнае абсталяванне);
Рухомая маёмасць (мэбля, камп’ютары, аргтэхніка, вытворчае і гандлёвае абсталяванне, тавары на продаж);
Што прызнаецца страхавым выпадкам
- факт страты (гібелі) або пашкоджання маёмасці ў выніку: пажару; удару маланкі; выбуху; падзення лятальных апаратаў, іх частак; небяспечных прыродных з’яў і працэсаў; заліцця; неправамерных дзеянняў трэціх асоб;
- факт узнікнення ў страхавальніка страт з-за вымушанага перапынку ў пазначанай у дагаворы страхавання прадпрымальніцкай дзейнасці ў выніку страты (гібелі), пашкоджання застрахаванай маёмасці. На страхаванне могуць прымацца: затраты, якія ажыццяўляюцца незалежна ад таго, ажыццяўляецца прадпрымальніцкая дзейнасць або не (заработная плата работнікам, задзейнічаным у ажыццяўленні перапыненай прадпрымальніцкай дзейнасці, падаткі, зборы і іншыя плацяжы ў бюджэт, страхавыя ўзносы па відах абавязковага страхавання, працэнты па крэдытах, плата за арэнду (наём, лізінг) памяшканняў, абсталявання, камунальных плацяжоў, платы за электраэнергію, расходы на арэнду часовых памяшканняў, затраты па хуткай дастаўцы абсталявання, запасных частак і іншых каштоўнасцей, неабходных для правядзення аднаўленчых работ і іншае); неатрыманы (недаатрыманы) чысты прыбытак.
- прычыненне страхавальнікам (адказнай асобай) шкоды жыццю, здароўю і (або) маёмасці трэціх асоб (выгаданабывальнікаў) пры ажыццяўленні дзейнасці, прадугледжанай у дагаворы страхавання, а таксама панясеннем судовых расходаў (страхаванне грамадзянскай адказнасці).
Кошт дагавору страхавання
Страхавую суму вы вызначаеце самі.
Максімальная страхавая сума 380 000 рублёў, у тым ліку
па будынках, збудаваннях, абсталяванні - 200 000 рублёў;
па ТМК і іншай маёмасці – 100 000 рублёў;
па стратах ад перапынку ў вытворчасці – 40 000 рублёў;
па грамадзянскай адказнасці – 40 000 рублёў.
Страхавы ўзнос залежыць ад страхавой сумы.
Для дрэваапрацоўчых, хімічных і іншых выбуха- і пажаранебяспечных вытворчасцей устаноўлены ліміт адказнасці (максімальная сума выплат) па пажары - 20% ад страхавой сумы па маёмасці, для ўсіх астатніх страхавальнікаў – 40%.
Для СТА, шынамантажу, для дзейнасці па рамонце і фарбаванні аўтамабіляў – безумоўная франшыза на кожны страхавы выпадак па рызыцы грамадзянскай адказнасці – 500 рублёў, для ўсіх астатніх страхавальнікаў франшыза не ўстанаўліваецца.
Як аформіць дагавор страхавання анлайн
Пазначце свой УНП, аб’екты страхавання і страхавыя сумы, запоўніце рэквізіты страхавальніка.
Заўвага. У рамках аднаго дагавору страхавання можна пазначыць толькі адзін адрас у якасці месца страхавання.
Азнаёмцеся з Правіламі страхавання, умовамі і тэрмінамі аплаты страхавога ўзносу.
Пацвердзіце правільнасць рэквізітаў у прапанове (аферце) і рахунку-фактуры.
Дачакайцеся, пакуль банк дашле на Вашу электронную пошту дакументы (рахунак-фактуру, прапанову (аферту) і Правілы страхавання).
Аплаціце страхавы ўзнос.
Страхавы ўзнос выплачваецца адзінаразова ў тэрміны, пазначаныя ў прапанове (аферце) і рахунку-фактуры. Кожная рахунак-фактура павінна быць аплачана асобным плацежным даручэннем. У якасці спасылачных дакументаў пазначце найзву спасылачнага дакумента ў рамках ISO 20022 - CMCN (кантракт на пастаўку тавару і/або аказанне паслуг), нумар і дату прапановы (аферты) на заключэнне дагавору страхавання.
У выпадку парушэння тэрмінаў і сумы аплаты страхавога ўзносу, ажыццяўлення аплаты на памылковыя банкаўскія рэквізіты, выкарыстання для аплаты іншых банкаўскіх рэквізітаў (якія адрозніваюцца ад пазначаных на сайце пры афармленні дагавору страхавання і пазначаных у рахунку-фактуры для аплаты), адсутнасці пазначэння спасылачных дакументаў, дагавор страхавання не будзе заключаны. Аб чым Вы атрымаеце апавяшчэнне па электроннай пошце. Паступіўшыя ў банк грашовыя сродкі будуць вернуты банкам.
Пасля паспяховай аплаты на электронную пошту вам прыйдзе пацвярджэнне заключэння дагавору страхавання.
У выпадку неабходнасці вы можаце звярнуцца ў службу карпаратыўнага бізнесу ўстановы банка для атрымання дакументаў, якія пацвярджаюць заключэнне дагавору страхавання на папяровым носьбіце, завераных пячаткай і подпісам упаўнаважанага прадстаўніка банка.
Страхавыя паслугі ў рамках Добраахвотнага комплекснага страхавання маёмасці ад агню і іншых небяспек, страт ад перапынку ў вытворчасці і грамадзянскай адказнасці па праграме «Комплексная абарона бізнесу» аказвае Беларусбанк на падставе дагавору даручэння ад 14.05.2019 №BY53AKBB38190000269740000000 ад імя СБА ЗАСТ «Купала» (СБА ЗАСТ «Купала» (Сумеснае беларуска-аўстрыйскае закрытае акцыянернае страхавое таварыства «Купала», 220004 Мінск, вул. Няміга 40, офіс 702, УНП 500048039, спецыяльны дазвол (ліцэнзія) на права ажыццяўлення страхавой дзейнасці № 02200/13-00044, тэрмін дзеяння бестэрмінова, сайт ).З умовамі страхавання, уключаючы пералік страхавых выпадкаў, абмежаванні ў страхавым пакрыцці, парадак звароту да страхоўшчыка пры надыходзе страхавога выпадку, Вы можаце азнаёміцца тут.