Дэпазітныя сертыфікаты ААТ «ААБ Беларусбанк» з'яўляюцца зручным інструментам размяшчэння часова вольных сродкаў:
- пры куплі дэпазітнага сертыфіката не патрабуецца адкрыццё дэпазітнага рахунку, што змяншае колькасць дакументаў, прадастаўляемых банку, і эканоміць Ваш час;
- незалежна ад змянення стаўкі рэфінансавання Нацыянальга банка Рэспублікі Беларусь падчас тэрміну дзеяння дэпазітнага сертыфіката стаўка па ім не змяняецца, што дае гарантыю атрымання фіксаванага стабільнага даходу.
Дэпазітны сертыфікат з'яўляецца каштоўнай паперай і афармляецца на спецыяльным бланку. ААТ «ААБ Беларусбанк» выпускае толькі імянныя дэпазітныя сертыфікаты, намініраваныя ў беларускіх рублях. Набыць дэпазітныя сертыфікаты ААТ «ААБ Беларусбанк» могуць юрыдычныя асобы, а таксама індывідуальныя прадпрымальнікі.
Працэнтная стаўка вызначаецца на падставе дамоўленасці паміж банкам і кліентам. Працэнты па дэпазітных сертыфікатах ААТ «ААБ Беларусбанк» выплачваюцца адначасова з яго пагашэннем.
Для атрымання дэпазітнага сертыфіката кліент прадстаўляе ў ААТ «ААБ Беларусбанк» заяву. Індывідуальны прадпрымальнік адначасова з заявай прадстаўляе пасведчанне аб дзяржаўнай рэгістрацыі.
Аформленыя дэпазітныя сертыфікаты перадаюцца ўкладчыку па акце прыёму-перадачы.
Пры датэрміновым пагашэнні дэпазітнага сертыфіката ўкладчыку выплачваецца даход па стаўцы, устаноўленай па ўкладзе «да запатрабавання».
ААТ «ААБ Беларусбанк» ажыццяўляюцца таксама наступныя аперацыі з дэпазітнымі сертыфікатамі:
- купля дэпазітных сертыфікатаў іншых банкаў;
- прадастаўленне крэдытаў пад заклад дэпазітных сертыфікатаў;
- прыняцце дэпазітных сертыфікатаў у адступное пры пагашэнні крэдытаў.
Аперацыі з дэпазітнымі сертыфікатамі ажыццяўляюцца ўсімі філіяламі ААТ «ААБ Беларусбанк».
За інфармацыяй звяртайцеся ва ўпраўленне фондавых аперацый казначэйства ААТ "ААБ Беларусбанк", тэл. (8 017) 309-08-37.
Аплата дэпазітных сертыфікатаў Банка
Сертыфікаты Банка прымаюцца да аплаты ў любым філіяле Банка, незалежна ад месца іх выпуску. Сертыфікат можа быць прад'яўлены да пагашэння ў любы працоўны дзень, пачынаючы з даты, якая ўказана ў сертыфікаце як тэрмін вяртання ўкладу. Пры наступленні тэрміну аплаты па сертыфікаце яго ўладальніку выплачваецца сума ўкладу і сума даходу ў выглядзе працэнтаў, налічаных на суму ўкладу.
Пры прад'яўленні сертыфіката да пагашэння ў Банк прадстаўляюцца наступныя дакументы:
- заява на пагашэнне сертыфіката;
- сертыфікат;
- дакумент, які пацвярджае паўнамоцтвы (пасведчанне кіраўніка або даверанасць);
- дакумент, які сведчыць або пацвярджае асобу (пашпарт, пасведчанне бежанца, від на жыхарства).
- Уладальнік сертыфіката - індывідуальны прадпрымальнік, дадаткова прадстаўляе пасведчанне аб дзяржаўнай рэгістрацыі.
Аплата сертыфіката ў месцы яго выдачы ажыццяўляецца ў наступныя тэрміны:
- сертыфікат, прад'яўлены да аплаты да 12 гадзін 30 мінут (час заканчэння аперацыйнага дня), аплачваецца ў той жа дзень;
- сертыфікат, які прад'яўлены да аплаты пазней 12 гадзін 30 мінут, аплачваецца не пазней наступнага працоўнага дня.
Аплата сертыфіката ў месцы, якое адрозніваецца ад месца яго выдачы, ажыццяўляецца ў тэрмін не пазней банкаўскага дня, наступнага за днём прад'яўлення сертыфіката да пагашэння.
Купля дэпазітных сертыфікатаў іншых банкаў
Банк праводзіць аперацыі па куплі сертыфікатаў іншых банкаў толькі на працягу тэрміну абарачэння сертыфіката (да наступлення тэрміну вяртання ўкладу).
Купля сертыфікатаў іншых банкаў ажыццяўляецца Банкам на падставе дагавору куплі-продажу па цане, якая вызначаецца ўзаемным пагадненнем бакоў.
На бланку сертыфіката пры яго перадачы паміж Банкам і прадаўцом сертыфіката афармляецца ўступка патрабавання.
Прадастаўленне крэдытаў пад заклад дэпазітных сертыфікатаў
ААТ «ААБ Беларусбанк» ажыццяўляе выдачу крэдытаў пад заклад сертыфікатаў Банка, а таксама сертыфікатаў іншых банкаў.
На сертыфікатах, якія перадаюцца Банку ў заклад, дагавор уступкі патрабавання не афармляецца. Перададзеныя ў заклад сертыфікаты захоўваюцца ў Банку.
Пасля выканання кліентам абавязацельства, забяспечанага закладам сертыфікатаў, Банк вяртае сертыфікаты заклададавальніку.
Адступное з выкарыстаннем дэпазітных сертыфікатаў
Філіялы Банка прымаюць у якасці адступнога па банкаўскім крэдыце і працэнтах за карыстанне ім дэпазітныя сертыфікаты, выдадзеныя гэтым філіялам Банка і іншымі банкамі - рэзідэнтамі Рэспублікі Беларусь.
Аперацыі адступнога праводзяцца толькі на працягу тэрміну абарачэння сертыфіката (да наступлення тэрміну вяртання ўкладу) па цане, якая ўстанаўліваецца ўзаемным пагадненнем бакоў на падставе дагавору адступнога.
На бланку сертыфіката пры яго перадачы паміж Банкам і ўладальнікам сертыфіката афармляецца ўступка патрабавання.