Ва ўстанове рэабілітацыі інвалідаў па зроку «Цэнтр паспяховага чалавека» 30 кастрычніка прайшло пасяджэнне круглага стала, на якім абмеркавалі вынікі праекта «Вучымся кіраваць фінансамі самі». Мэта гэтага праекта - навучыць людзей з інваліднасцю па зроку карыстацца інтэрнэт-банкінгам і іншымі банкаўскімі анлайн-рэсурсамі. Адным з партнёраў у рэалізацыі ініцыятывы выступіў «Беларусбанк».
У круглым стале прынялі ўдзел прадстаўнікі DVV International - Інстытута міжнароднага супрацоўніцтва Нямецкай Асацыяцыі народных універсітэтаў, Міністэрства працы і сацыяльнай абароны РБ, Беларускага таварыства інвалідаў па зроку, а таксама работнікі банкаў-партнёраў. Прысутныя абмеркавалі вынікі сумеснай працы за паўгоддзе, на працягу якога па ўсёй краіне прайшлі навучальныя семінары для людзей з інваліднасцю па зроку, былi выдадзены метадычныя дапаможнікі, напісаныя шрыфтам Брайля, і аўдыёматэрыялы па рабоце з мабільнымі банкаўскімі прыкладаннямі.
Падчас мерапрыемства перад прысутнымі выступіла намеснік начальніка ўпраўлення кліенцкага маніторынгу дэпартамента рознічнага бізнесу «Беларусбанка», кіраўнік групы па павышэнні фінансавай граматнасці Наталля Корбут:
«Павышэнне фінансавай граматнасці насельніцтва - гэта частка палітыкі банка ў галіне карпаратыўнай сацыяльнай адказнасці, і мы актыўна яе рэалізуем. Работнікі банка займаюцца практычным навучаннем людзей з інваліднасцю не толькі ў рамках асобных праектаў, але і за іх межамі, пастаянна і планамерна. Акрамя таго, банк прыслухоўваецца да пажаданняў і рэкамендацый людзей са слабым зрокам, многае зрабіў у напрамку адаптацыі сэрвісу «М-банкінг» да карыстання людзьмі з асаблівымі патрэбамі, многае яшчэ плануецца дапрацаваць. Ужо цяпер па ўсёй рэспубліцы ўстаноўлена 27 банкаматаў «Беларусбанка», спецыяльна адаптаваных да людзей, у якіх ёсць праблемы са зрокам».
На сходзе выказаліся і самі людзі са слабым зрокам. Яны адзначылі, што пасля семінараў сталі лепш разбірацца ў мабільным банкінгу, атрымалі магчымасць кіраваць і кантраляваць свой рахунак у прыкладанні M-Belarusbank, а значыць - сталі яшчэ больш самастойнымі.
Пры падвядзенні вынікаў удзельнікі зрабілі вывады аб карыснасці і сацыяльнай значнасці праекта, падзякавалі адзін аднаму за актыўную працу ў напрамку павышэння даступнасці фінансавых паслуг і выказалі надзею на далейшае супрацоўніцтва.
Даведачна:
«Беларусбанк» працягвае развіваць сэрвісы для задавальнення інтарэсаў розных катэгорый кліентаў, у тым ліку пашыраючы сетку банкаматаў са спецыяльным інтэрфейсам і маўленчым суправаджэннем для людзей са слабым зрокам. Як правіла, яны абсталяваны спецыяльным маўленчым інфарматарам. Таксама спецыяльна для людзей са слабым зрокам устаноўлены чорна-белы экран з больш вялікім памерам шрыфта. Для сляпых прадугледжана спецыяльнае гняздо для падключэння навушнікаў. Усе правадзімыя аперацыі: зняцце наяўных, прагляд балансу і выпіска з рахунку - пакрокава агучвае аўдыягід. Разам з тым карыстацца банкаматам могуць усе жадаючыя - устройства знешне нічым не адрозніваецца ад іншых.
Першы ў краіне банкамат для людзей са слабым зрокам і сляпых «Беларусбанк» усталяваў у сталіцы ў красавіку 2011 года. Ён быў абсталяваны спецыяльнай аўдыёсістэмай і меў на пярэдняй панэлі аўдыёвыхад. Кліенты маглі падключыць да яго навушнікі і з дапамогай галасавых падказак карыстацца паслугамі банкамата. Да таго ж кнопкі на клавіятуры лёгка адрозніваліся навобмацак. Для карыстальнікаў са слабым зрокам спецыяльны рэжым работы банкамата прапаноўваў павялічаныя памеры выяў на дысплеі на кантрасным фоне.
Аддзел камунікацый ААТ «ААБ Беларусбанк