З 1 красавіка ў Беларусбанку стартуе выдача новага крэдыту на спажывецкія патрэбы «На самае жаданае».
Аформіць заяўку можна ў аддзяленнях банка, але яшчэ больш выгадна — анлайн у каналах дыстанцыйнага банкаўскага абслугоўвання (Інтэрнэт-банкінг, М-банкінг, карпаратыўны сайт).
Крэдыт прадастаўляецца на тэрмін да 6 гадоў з адтэрміноўкай плацяжу па асноўным доўгу на 4 месяцы, наступныя за месяцам выдачы крэдытнай карткі.
У першыя 30 дзён з даты выдачы першай часткі крэдыту (грэйс-перыяд) працэнтная стаўка складзе 0,01%. Па заканчэнні грэйс-перыяду пры афармленні заяўкі анлайн – 13,75% (стаўка рэфінансавання НБ + 4,25 п.п.), пры афармленні заяўкі ў аддзяленні банка – 14,25% (стаўка рэфінансавання НБ + 4,75 п.п.).
Калі вы купляеце тавар з «Любімай катэгорыі», умовы становяцца яшчэ больш выгаднымі. У такім выпадку стаўка складзе:
першыя 30 дзён — 0,01%,
з 31 па 120 каляндарны дзень — 9,5% (стаўка рэфінансавання НБ),
пачынаючы з 121 каляндарнага дня пры афармленні заяўкі анлайн — 13,75% (стаўка рэфінансавання НБ + 4,25 п.п.), пры афармленні заяўкі ў аддзяленні банка — 14,25% (стаўка рэфінансавання НБ + 4,75 п.п.).
На выбар прапануецца адна з чатырох катэгорый:
- для дома, дачы, рамонту;
- мэбля і бытавая тэхніка;
- аўтамабілістам;
- адзенне, абутак, аксэсуары.
Максімальны памер крэдыту «На самае жаданае» банк разлічвае зыходзячы з вашай плацежаздольнасці.
Забеспячэнне залежыць ад сумы крэдыту: няўстойка або паручыцельства фізічных асоб.
Падрабязней пра крэдыт «На самае жаданае» чытайце па спасылцы або ўдакладняйце па тэлефоне кантакт-цэнтра 147.