Падведзены вынікі рэкламнай гульні «Марыць лёгка!» ад Беларусбанка і Белкарт. Уладальнікам галоўнага прыза ў памеры 50 000 рублёў стаў Алег Шкель.
За выйгрышам мужчына прыехаў з Віцебска разам з сям’ёй: жонкай Наталляй і малодшым сынам. У мужа і жонкі трое дзяцей, і менавіта старэйшае дзіця паведаміла ім пра рэкламную гульню «Марыць лёгка!». Пасля гэтага віцяблянін зарэгістраваўся на сайце гульні і проста расплачваўся банкаўскай карткай Белкарт ад Беларусбанка.
Пасля таго, як 20 снежня прайшоў фінальны розыгрыш і агучылі пераможцаў, муж і жонка ўсё яшчэ не ведалі, што выйгралі галоўны прыз. Пра гэта ім паведаміла сваячка, якая знайшла Алега ў спісе.
Калі мужчына ўбачыў сваё прозвішча і імя, засумняваўся: раптам цёзка. Каб пераканацца, патэлефанаваў на гарачую лінію, а пасля паведаміў жонцы: «Дарагая, здаецца, я выйграў 50 тысяч».
«У гэты дзень я аплачвала ў Беларусбанку паслугу і супрацоўніца прапанавала мне купіць латарэйны білет, раптам пашанцуе, — дзеліцца Наталля. — Адказала ёй, што я невязучая, і адмовілася. Ужо ўвечары даведалася, што мы выйгралі галоўны прыз у розыгрышы ад Беларусбанка і Белкарт. Трэба ўдзельнічаць, верыць і ўдача абавязкова ўсміхнецца. Цуды бываюць, асабліва напярэдадні Новага года!»
Сям’я з Віцебска плануе скончыць рамонт у кватэры, і гэта сума ім будзе вельмі дарэчы.
Усяго ў рэкламнай гульні «Марыць лёгка!» прынялі ўдзел 39 895 удзельнікаў. Дзесяць чалавек атрымалі па 2500 рублёў і 50 чалавек — па 500 рублёў.
Мы шчыра віншуем тых, хто выйграў, і дзякуем усім за ўдзел. Поўны спіс пераможцаў рэкламнай гульні «Марыць лёгка!» можна знайсці на афіцыйным сайце рэкламнай гульні: promo-belkart.by.