Дзень ведаў з Беларусбанкам і Белкарт адзначылі 1 верасня ў Барысаве. Свята было прымеркавана да запуску прадукту «Карта навучэнца» і прайшло на дзвюх пляцоўках: у сярэдняй школе № 25 і на «Барысаў-Арэне».
Намеснік старшыні праўлення банка Святлана Кажэкіна павіншавала настаўнікаў, школьнікаў і іх бацькоў з пачаткам навучальнага года і расказала пра «Карту навучэнца» на ўрачыстай лінейцы, прысвечанай Дню ведаў, у СШ № 25 г.Барысава. Як адзначыла кіраўнік, школа — гэта не проста альма-матар, дзе дзеці атрымліваюць веды. У вучняў фарміруецца актыўная грамадзянская пазіцыя, якая дазваляе ўступіць у дарослае жыццё з разуменнем, што ім нічога не пагражае, яны гатовы да знешніх выклікаў і фінансава граматныя. Дзяржава і Беларусбанк робяць для гэтага многае. Таму і быў створаны такі ўнікальны прадукт, як «Карта навучэнца».
Дарэчы, маштабны праект будзе рэалізаваны па ўсёй краіне. Ужо больш за 200 школ, а гэта каля 120 тысяч вучняў, выказалі жаданне карыстацца «Картай навучэнца». У Барысаве праект рэалізуецца сумесна з райвыканкамам і ахоплівае 24 школы (каля 17 тысяч вучняў).
— Барысаў стаў першым горадам краіны, дзе пачалася рэалізацыя праекта па выкарыстанні «Карты навучэнца». Гэты банкаўскі прадукт Беларусбанка сумяшчае ў сабе паўнавартасную плацежную картку для дзіцяці і дакумент вучня, які дае магчымасць бескантактавага пропуску ў школу. Спадзяёмся, нашым маленькім кліентам спадабаецца гэты універсальны прадукт,— расказала Святлана Кажэкіна.
Кіраўнік дадала, што Беларусбанк разумее сваю адказнасць у пытаннях фінансавай падрыхтоўкі маладога пакалення да дарослага жыцця, таму праект сацыяльны. З аднаго боку, банк бачыць для сябе магчымасць вырасціць будучых кліентаў, а з другога — дае магчымасць бацькам кантраляваць фінансавыя патокі дзяцей і выкарыстанне імі грошай.
— Другі прадукт, які мы нядаўна запусцілі з нашым партнёрам Белкарт — гэта мабільны дадатак MobiTeen. Гэты сэрвіс будзе цікавы і дзецям, і бацькам: дадатак дазваляе навучыць дзіця фінансавай граматнасці, а таксама адсочваць яго месцазнаходжанне. Дзякуючы MobiTeen дзеці могуць папрасіць у бацькоў пералічыць пэўную суму, самастойна здымаць наяўныя грошы і разлічвацца картай. Спадзяёмся, сумеснымі намаганнямі банка і Белкарт дадатак стане для падрастаючага пакалення надзейным правадніком у свет фінансаў, — дадала Святлана Генадзьеўна.
І, вядома, Беларусбанк не прыйшоў на свята без падарунка. Намеснік старшыні праўлення ўручыла школе сертыфікат на падтрыманне і паляпшэнне матэрыяльна-тэхнічнай базы.
Аддзел камунікацый і рэкламы