У пачатку рэалізацыі Праграмы падтрымкі суб'ектаў малога і сярэдняга бізнэсу «Беларусбанк» прафінансаваў больш за 6,5 тыс. праектаў у розных галінах (сельская гаспадарка, дрэваапрацоўка, гандаль, грамадскае харчаванне, перапрацоўка, паслугі). Сума крэдытнай падтрымкі за 5 гадоў склала каля 4,5 млрд рублёў. Разбярэмся, у чым прычына папулярнасці Праграмы.
Па-першае, шырокая лінейка крэдытных прадуктаў у рамках Праграмы дазваляе аказваць фінансавую падтрымку на кожным этапе развіцця кліента і ахапіць увесь абарот – ад вытворчасці прадукцыі да яе набыцця канчатковым спажыўцом.
Па-другое, банк дадаткова прадугледзеў магчымасць прадастаўлення крэдытаў па льготнай стаўцы для суб'ектаў прадпрымальніцтва ў малых гарадах і гарадах-спадарожніках. Па-трэцяе, развітая інфраструктура, даступнасць ва ўсіх рэгіёнах краіны, а таксама дзейнасць даччыных кампаній холдынгу прадастаўляюць магчымасць кліентам банка атрымліваць поўны комплекс паслуг.