У мінулую сераду на сцэне Вялікага тэатра Беларусі прайшоў маштабны гала-канцэрт для аматараў і прыхільнікаў оперы. У рамках сацыяльнай праграмы «Беларусбанк. Прастора натхнення», накіраванай на падтрымку культуры і мастацтва, банк падтрымаў праект, выступіўшы генеральным партнёрам.
«Беларусбанк» не першы год падтрымлівае праекты і ініцыятывы Нацыянальнага акадэмічнага Вялікага тэатра оперы і балета. Пяць гадоў запар найбуйнейшы банк краіны выступаў генеральным спонсарам конкурсу «Мінскі міжнародны Калядны конкурс вакалістаў» і працягнуў добрую традыцыю, падтрымаўшы новы фармат канцэртнай праграмы - гала-канцэрт «Маладыя галасы сусветнай оперы».
На сцэне Вялікага выступілі 15 выканаўцаў з розных краін - пераможцы Мінскага міжнароднага конкурсу вакалістаў. Сярод іх прызнаныя зоркі опернай сцэны: народны артыст Узбекістана Раміз Усманаў, салістка Вялікага тэатра Беларусі і Гамбургскай дзяржаўнай оперы Марыя Шабуня, уладальнік Гран-пры конкурсу малады армянскі тэнар Тыгран Аганян, контртэнар Андрэй Немзер, уладальніца Гран-пры Мінскага міжнароднага конкурсу вакалістаў - 2018 Ксенія Несцярэнка, вядомая прыхільнікам опернага мастацтва перамогай у тэлепраекце «Вялікая опера».
Сярод удзельнікаў канцэрту таксама салістка тэатра «Санктъ-Пецярбургъ Опера» Валянціна Федзенева, удзельнік Акадэміі тэатра «Ла Скала» Лаша Сесіташвілі, салістка Пермскай оперы Зарына Абаева, уладальнік Гран-пры конкурсу Саргіс Бажбеук-Мелікян, салістка Нацыянальнай оперы Украіны Ксенія Бахрытдзінава.
З опернай трупы Вялікага тэатра выйшлі на сцэну Віктар Мендзелеў, Аляксандр Міхнюк, Маргарыта Ляўчук, Аляксандр Гелах, Марыя Галкіна, Анастасія Вахомчык.
Дырыжыраваў Андрэй Галанаў.
Каманда «Беларусбанка» ўпэўнена, што без садзейнічання развіцця духоўнай дзейнасці немагчыма рухацца наперад у дасягненні матэрыяльных мэт.
Аддзел камунікацый