ААТ «ААБ Беларусбанк» і АТ «Расійскі экспартны цэнтр» падпісалі рамачнае пагадненне аб супрацоўніцтве. У цырымоніі падпісання дакумента ў Галаўным офісе ў Мінску прынялі ўдзел старшыня праўлення «Беларусбанка» Віктар Ананіч і генеральны дырэктар АТ «Расійскі экспартны цэнтр» Андрэй Сляпнёў.
Пагадненне прадугледжвае сумесную рэалізацыю прыярытэтных праектаў у Рэспубліцы Беларусь з удзелам кампаній Расійскай Федэрацыі. Група «Расійскі экспартны цэнтр» са свайго боку гатова аказаць фінансавую і страхавую падтрымку па перспектыўных праектах.
Група РЭЦ, супрацоўнічаючы з «Беларусбанкам», ужо рэалізуе шэраг значных праектаў на тэрыторыі Беларусі. Адзін з іх - рэканструкцыя Мінскай ЦЭЦ-3. Гэта маштабны праект у галіне энергетыкі, фінансаванне якога ажыццяўляецца пры падтрымцы ЭКСАР і Расэксімбанка, што ўваходзяць у Групу РЭЦ. Яшчэ шэраг перспектыўных здзелак у галіне паставак харчавання, прадукцыі фармацэўтычнай і медыцынскай прамысловасці, аўтамабільных камплектуючых знаходзяцца ў прапрацоўцы.
Пагадненне будзе садзейнічаць развіццю і ўзмацненню тэхналагічных і рыначных пазіцый кампаній дзвюх краін, стварэнню сістэмных доўгатэрміновых стымулаў для павышэння канкурэнтаздольнасці іх прадукцыі на міжнародных рынках.
Дакумент закліканы забяспечыць эфектыўны абмен інфармацыяй, пошук і рэалізацыю сумесных праектаў.
У рамках пагаднення бакі будуць праводзіць кансультацыі, форумы, прэзентацыі і іншыя мерапрыемствы, накіраваныя на паляпшэнне доступу беларускіх прадпрыемстваў да фінансавых інструментаў падтрымкі бізнесу.
Аддзел камунікацый