Шэдэўр Марка Шагала «Над горадам» упершыню экспануецца ў Беларусі пры падтрымцы Беларусбанка
Беларусбанк выступіў генеральным спонсарам маштабнага выставачнага праекта «МАРК ШАГАЛ. НАД ГОРАДАМ», які адкрыецца ў Мастацкім музеі Віцебска ў рамках юбілейнага XXXV Міжнароднага фестывалю мастацтваў «Славянскі базар у Віцебску». Арганізацыя экспанавання твора сусветнага маштабу падобнага ўзроўню рэалізуецца найбуйнейшым банкам краіны ўпершыню.
Культурная ініцыятыва ўвасоблена ў жыццё ў рамках доўгатэрміновага дабрачыннага праекта банка па падтрымцы культуры і навукі «Прастора натхнення».
Цэнтральнай падзеяй экспазіцыі стане дэманстрацыя арыгінальнага палатна «Над горадам» (1914-1918 гг.) са збору Дзяржаўнай Траццякоўскай галерэі.
Вяртанне карціны на радзіму мастака — знакавая падзея для культурнага жыцця Беларусі. Наведвальнікі выставы змогуць ужывую ўбачыць працу, якая стала сусветным сімвалам шчырай любові і свабоды, у якой рэальнасць Віцебска пачатку XX стагоддзя пераплятаецца з паэтычным светам аўтара.
Праект уяўляе асаблівую гісторыка-дакументальную каштоўнасць, паколькі карціна дэталёва захавала вобраз старога горада, якога ўжо не існуе: на ёй пазнаюцца Палац губернатара, абрысы Спаса-Праабражэнскай царквы і дом з чырвонай цэглы (сучасны Арт-цэнтр Шагала). Для больш глыбокага разумення вытокаў творчасці майстра дапоўніць экспазіцыю «Партрэт Марка Шагала» (1914 г.) пэндзля яго настаўніка Юдэля Пэна з фондаў Нацыянальнага мастацкага музея Рэспублікі Беларусь.
Для банка падтрымка гэтага праекта — гэта важны крок у рэалізацыі ESG-стратэгіі і абавязацельстваў у галіне карпаратыўнай сацыяльнай адказнасці. Дабрачынная праграма «Прастора натхнення» накіравана на захаванне гістарычнай спадчыны, развіццё мецэнацтва і ўмацаванне міжнароднага культурнага дыялогу паміж Беларуссю і Расіяй.
Тэрміны правядзення выставы: з 16 ліпеня па 14 верасня. Адкрыццё выставы ў 16.00.
Месца правядзення: Мастацкі музей г. Віцебска.
Купля квіткоў: квіткі даступны ў касе музея па адрасе: г. Віцебск, вул. Леніна, 32.
Беларусбанк запрашае жыхароў і гасцей Віцебска дакрануцца да вялікай спадчыны сусветнага мастацтва.
Упраўленне камунікацый, маркетынгу і рэкламы
