СМІ пра банк
22.05.2008

Баранавіцкi пiянiст заваяваў Парыж ("Звязда", 17.05.2008)

Баранавiцкi студэнт музычнага вучылiшча Яўген Цымбалiст атрымаў дыплом лаўрэата першай ступенi Мiжнароднага музычнага конкурсу пiянiстаў, якi нядаўна прайшоў у Францыi.

Дыплом Яўгену ўручыла заснавальнiк i прэзiдэнт конкурсу Жынет Габэр. Паводле слоў самога пераможцы, намiнацыя "Канцэртны дыплом", якая i прынесла яму перамогу, - самая складаная сярод сольных выступленняў як па ўзроўні твораў, так i па аб'ёме праграмы i па часе выканання.

Праўда, для Яўгена сорак пяць хвiлiн выступлення ў зале французскай кансерваторыi праляцелi як адно iмгненне. Усяго ў музычным злёце ўзялi ўдзел каля 2 тысяч чалавек. Паездка ў Парыж для нашага ўдзельнiка стала магчымай дзякуючы спонсарскай падтрымцы ААТ "ААБ Беларусбанк".

Святлана БАРЫСЕНКА