Услуги:

Операции по вкладам и счетам физических лиц

Обслуживание юридических лиц и индивидуальных предпринимателей

Прием платежей

Предоставление страховых услуг

Валютно-обменные операции

Операции с платежными карточками

Операции с ценными бумагами

Переводы

Операции с монетами

Операции с лотерейными билетами

Банковское хранение

Кредитные операции физических лиц

Операции с коммерческими чеками

Другие операции

Вярнуцца на старонку

Выберите интересующий Вас вклад и нажмите кнопку «Подробнее»

Рэкламная гульня «Час адпачываць з БЕЛКАРТ!»

Рэкламная гульня «Час адпачываць з БЕЛКАРТ!»

«Беларусбанк» прапануе новыя выпускі ІНТЭРНЭТ-АБЛІГАЦЫЙ!

«Беларусбанк» прапануе новыя выпускі ІНТЭРНЭТ-АБЛІГАЦЫЙ!

Крэдыт на рэфінансаванне «Удалае абнаўленне»

Крэдыт на рэфінансаванне «Удалае абнаўленне»

Карта растэрміноўкі «Магніт»

Карта растэрміноўкі «Магніт»

Клуб «Карт-бланш»

Клуб «Карт-бланш»

Клуб #настарт

Клуб #настарт

Клуб «Аксаміт»

Клуб «Аксаміт»

КАРТКА MASTERCARD ААТ «ААБ БЕЛАРУСБАНК» ДОРЫЦЬ МЕСЯЦ ПАДПІСКІ АД MEGOGO!

КАРТКА MASTERCARD ААТ «ААБ БЕЛАРУСБАНК» ДОРЫЦЬ МЕСЯЦ ПАДПІСКІ АД MEGOGO!

КРЭДЫТЫ НА НАБЫЦЦЁ АЎТАМАБІЛЯЎ

КРЭДЫТЫ НА НАБЫЦЦЁ АЎТАМАБІЛЯЎ

Комплексны банкаўскі прадукт «Свабодны выбар»

Комплексны банкаўскі прадукт «Свабодны выбар»

КРЭДЫТ на спажывецкія патрэбы без паручыцеляў

КРЭДЫТ на спажывецкія патрэбы без паручыцеляў

  • Перавагі VIP-абслугоўвання

    Перавагі VIP-абслугоўвання

    Канфідэнцыяльнасць, індывідуальны падыход і высокі ўзровень зручнасці абслугоўвання

  • Прэміяльныя карты

    Прэміяльныя карты

    Карткі з унікальнымі магчымасцямі для кліентаў, якія часта падарожнічаюць, цэняць камфорт і высокі ўзровень сэрвісу

  • Давернае кіраванне

    Давернае кіраванне

    Давернае кіраванне – спалучэнне высокай даходнасці ад інвесціравання сродкаў на рынку каштоўных папер

  • Індывідуальныя банкаўскія сейфы

    Індывідуальныя банкаўскія сейфы

    Індывідуальныя дэпазітныя сейфы для захоўвання дакументаў і каштоўнасцей – гэта адзін з самых бяспечных і зручных для Вас спосабаў захоўвання каштоўнасцей

Cвяточная акцыя для юрыдычных асоб і індывідуальных прадпрымальнікаў

Cвяточная акцыя для юрыдычных асоб і індывідуальных прадпрымальнікаў

Сэрвіс праверкі контрагентаў

Сэрвіс праверкі контрагентаў

Новая прапанова – спецыяльна для індывідуальных прадпрымальнікаў!

Новая прапанова – спецыяльна для індывідуальных прадпрымальнікаў!

Прымайце плацяжы па картках з дапамогай мабільнай прылады

Прымайце плацяжы па картках з дапамогай мабільнай прылады

Праграма падтрымкі суб'ектаў малога і сярэдняга бізнесу

Праграма падтрымкі суб'ектаў малога і сярэдняга бізнесу

Комплексная падтрымка бізнесу

Комплексная падтрымка бізнесу

Паслугі цэнтра кліенцкай падтрымкі ААТ "ААБ Беларусбанк"

Паслугі цэнтра кліенцкай падтрымкі ААТ "ААБ Беларусбанк"

Беларусбанк разбівае міфы пра акрэдытывы

Беларусбанк разбівае міфы пра акрэдытывы

Гандлёвае фінансаванне

Гандлёвае фінансаванне

  • Філіяльная
    сетка
  • Інтэрнэт-
    банкінг
  • М-банкінг
  • Кліент-банк
    (WEB)
  • Анлайн заяўкi,
    даведнік
    па паслугах
  • 147

Уладзiмiр Занько: "Беларусбанк" — гэта сур’ёзная, стабiльная i квалiфiкаваная каманда" ("Звязда", 22.02.2008)

25.02.2008

На пытаннi карэспандэнта "Звязды" адказвае намеснiк старшынi Праўлення - дырэктар дэпартамента персаналу ААТ "ААБ Беларусбанк" Уладзiмiр Занько.

- Уладзiмiр Аляксандравiч, "Беларусбанк" зарэкамендаваў сябе надзейным, стабiльным i паспяховым банкам. Пра гэта, у прыватнасцi, сведчаць i вынiкi працы, якiя паказвае сiстэмаўтваральны банк.

- Зазначу, што летась па вынiках дзейнасцi банка быў атрыманы прыбытак у памеры 189,5 мiльярда рублёў, што вышэй за ўзровень 2006 года на 55 працэнтаў. Рэнтабельнасць дзейнасцi банка склала 11,2 працэнта пры 10,1 працэнта за 2006 год. Нарматыўны капiтал банка на 1 студзеня 2008 года склаў 2112,8 млрд рублёў i павялiчыўся з пачатку года на 342,8 млрд рублёў. Статутны фонд склаў 1 638,8 млрд рублёў, або 517,5 млн еўра. Паказчык дастатковасцi нарматыўнага капiталу склаў 16,4 працэнта (пры нарматыве - не менш за 8 працэнтаў).

Устойлiвасць i стабiльнасць пазiцый ААТ "ААБ Беларусбанк" у банкаўскай сiстэме Рэспублiкi Беларусь пацвярджаецца ступенню яго ўдзелу ў фармiраваннi шэрагу асноўных паказчыкаў: уласнага капiталу - 32,4 працэнта; статутнага фонду - 37 працэнтаў; рэсурснай базы - 42 працэнты; сродкаў насельнiцтва - 60,5 працэнта; крэдытных укладанняў - 44 працэнты; прыбытку - 29 працэнтаў.

Акрамя таго, пра стабiльнасць i ўстойлiвасць нашых пазiцый сведчыць i той факт, што з 2001 года "Беларусбанк" на рэгулярнай аснове атрымлiвае мiжнародныя крэдытныя рэйтынгi рэйтынгавага агенцтва "Фiтч Рэйтынгс". А летась мiжнароднае рэйтынгавае агенцтва "Мудзiс Iнвестарс Сервiс" упершыню прысвоiла ААТ "ААБ Беларусбанк" другi мiжнародны крэдытны рэйтынг, што дазволiць замежным iнвестарам атрымаць больш поўную i дакладную ацэнку банка з некалькiх незалежных мiжнародна прызнаных рэйтынгавых агенцтваў.

Гэта ўсё робяць людзi, якiя з'яўляюцца камандай прафесiяналаў на ўсiх узроўнях: ад аперацыйна-касавых работнiкаў, якiя свабодна арыентуюцца ва ўсёй разнастайнасцi банкаўскiх паслуг, да кiраўнiкоў вышэйшага звяна. Iх веды, спрактыкаванасць, iнiцыятыва, добрасумленнае стаўленне да працы - асноўны капiтал банка. I вось гэта ўсё разам дазволiла "Беларусбанку" заняць дастойнае месца сярод буйных сусветных фiнансавых iнстытутаў. За гэта iм вялiкая ўдзячнасць.

- Ваш банк стаў першапраходцам, укаранiўшы некалькi гадоў таму свае квалiфiкацыйныя патрабаваннi да работнiкаў "Беларусбанка". У чым сутнасць гэтай сiстэмы, i наколькi яна сябе апраўдала?

- Пагадзiцеся, у банк павiнна падбiрацца сур'ёзная, стабiльная i квалiфiкаваная каманда. А таму пасля аб'яднання "Беларусбанка" з Ашчадбанкам - банкам, якi выконваў простую работу (камунальныя плацяжы, укладныя аперацыi), неабходна было ствараць новы iнструмент, новы механiзм кiравання i арганiзацыi працы з людзьмi, што дазваляла б прыцягваць сюды прыстойных i надзейных прафесiяналаў. Так, патрабаваннi выпрацоўвалiся няпроста. Перш чым канчаткова зацвердзiць iх, у дакумент было ўнесена шмат змяненняў. Заўважу, што нi адна банкаўская структура ў той час такiмi пытаннямi не займалася. I на сёння такая сiстэма сябе поўнасцю апраўдвае. Самае галоўнае, што ў гэтай справе мы атрымалi падтрымку ад кiраўнiцтва банка i рабiлi яе, супастаўляючы ўсе даныя распрацовак з Праўленнем банка. У адрозненне ад простых службовых iнструкцый, што пералiчваюць службовыя абавязкi кiраўнiкоў i спецыялiстаў, мы ў гэтым дакуменце падрабязна распiсалi, якой адукацыяй, квалiфiкацыяй, асабiстымi якасцямi павiнен валодаць работнiк адпаведнай пасады ў адпаведным структурным падраздзяленнi - эканамiсты, бухгалтарскiя, аператыўна-касавыя работнiкi... З улiкам гэтага мы i падбiраем у банк людзей на конкурснай аснове. I перш за ўсё адказнасць у гэтым пытаннi ўскладзена на кiраўнiкоў нашых устаноў i падраздзяленняў: яны зацiкаўлены ў тым, каб у банку былi першакласныя спецыялiсты. Адзiнае, што хацелася б падкрэслiць, - квалiфiкацыйныя патрабаваннi ў пэўнай ступенi неабходна ўвесь час пераглядаць: жыццё не стаiць на месцы i патрабаваннi становяцца больш жорсткiмi. Што цалкам i зразумела: банкi заўсёды iшлi наперадзе развiцця народнай гаспадаркi, а таму банкаўская структура павiнна быць квалiфiкаванай. Без гэтага, зазначу, немагчыма развiццё банкаўскай iнфраструктуры.

- "Беларусбанк", акрамя стандартных аперацый, напрыклад, зберажэння капiталу, бярэ ўдзел у крэдытаваннi будаўнiцтва жылля i г.д. Зразумела, што падобныя аперацыi па сiлах толькi сапраўдным прафесiяналам.

- Для таго, каб вызначыць пазiцыi нашага банка ў дачыненнi да iншых структур, мы ствараем стратэгiю развiцця. У нашым дэпартаменце ёсць упраўленне манiторынгу персаналу, гэта значыць мы стараемся вызначыць мэты i задачы па персаналу ў нашай сiстэме, даць ацэнку яго дзейнасцi, ажыццяўляем планаванне персаналу. Раней работа кадравых службаў была накiравана на тое, каб, напрыклад, проста прыняць чалавека на працу, цi звольнiць, перамясцiць яго. Сёння ж для таго, каб даць перадумовы для развiцця нейкай iнфраструктуры, неабходна зрабiць так, каб людзi адчувалi сябе камфортна ў любой арганiзацыi, а таму мы павышаем патрабаваннi да прафесiяналаў. I, у першую чаргу, калi гаворым аб прафесiяналiзме, патрэбна весцi гутарку аб адукацыйным узроўнi нашых работнiкаў. Мы вельмi сур'ёзна падыходзiм да пытання фармiравання той каманды, якая павiнна быць у нашым банку, i паднялi планку вышэйшай адукацыi работнiкаў да 50 працэнтаў.

- Мiж iншым, у "Беларусбанку" працуе шматтысячны калектыў, якi неабходна папаўняць новымi спецыялiстамi. Адкуль да вас прыходзяць спецыялiсты? На каго вы робiце стаўку - на моладзь, якая толькi выйшла са сцен навучальнай установы, цi на прафесiяналаў, якiх прыцягваеце збоку?

- У сiстэме ААТ "ААБ Беларусбанк" сёння больш за 25 тысяч супрацоўнiкаў. Гэты паказчык па аб'ектыўных прычынах расце з году ў год: улiчваючы iмклiвае развiццё дзяржавы, эканомiкi краiны, мы таксама ствараем свае ўстановы i забяспечваем дадатковыя магчымасцi для абслугоўвання насельнiцтва. Напрыклад, у краiне зараз адзiн з напрамкаў развiцця - стварэнне аграгарадкоў. А як аграгарадок можа абысцiся без банка? Магчыма, iншы банк i не пойдзе ў тыя месцы, дзе ёсць праблемы з камплектаваннем персаналу, абслугоўваннем людзей. Мы ж, наадварот, iдзём туды - гэта наша мiсiя як дзяржаўнага банка. Таму калектыў пастаянна папаўняецца новымi кадрамi, штогод мы прымаем у сваю сiстэму каля 700 маладых спецыялiстаў, прыцягваем квалiфiкаваных спецыялiстаў збоку. Дарэчы, у адпаведнасцi з нашай праграмай развiцця мы накiраваны на тое, каб сярэднi ўзрост работнiкаў "Беларусбанка" складаў 36 гадоў, а па сярэднiм узросце кiруючага складу мы выйшлi на ўзрост каля 40 гадоў. Што ж датычыцца фармiравання якаснага асяроддзя персаналу, то на гэтым шляху мы даўно i паспяхова супрацоўнiчаем з вядучымi навучальнымi ўстановамi краiны, якiя рыхтуюць спецыялiстаў банкаўскага профiлю, сярод якiх Беларускi дзяржаўны эканамiчны ўнiверсiтэт, Мiнскi фiнансава-эканамiчны каледж i Палескi ўнiверсiтэт i iншыя. Выпускнiкi гэтых устаноў прыходзяць да нас i мы займаемся далейшай iх падрыхтоўкай: не заўсёды тэарэтычная падрыхтоўка адпавядае практычным навыкам. Таму з моладдзю працуюць спрактыкаваныя настаўнiкi. У праграме развiцця персаналу ў абавязковым парадку выкарыстоўваецца працэс падрыхтоўкi маладога спецыялiста: на настаўнiкаў тут ускладваюцца сур'ёзныя патрабаваннi i адказнасць. Зазначу, што пытанне "хто прыходзiць да нас?" - адзiн з важных напрамкаў працы з персаналам, працы з людзьмi.

- Адзiн з крытэрыяў працы кадравай службы з'яўляецца цякучасць кадраў. На якiм узроўнi яна ў "Беларусбанку?

- Па вынiках мiнулага года гэты паказчык склаў 5,2 працэнта. Гэта нармальны паказчык, якi характарызуе працу стабiльнага калектыву па пытаннях яго якасцi, адносiнаў да працы, i, мабыць, сiстэмы аплаты працы, псiхалагiчных адносiнаў. У выпадку, калi ў калектыве паказчык цякучасцi складае 10 i болей працэнтаў, - узнiкае шмат пытанняў. I першае - чаму людзi сыходзяць? Значыць, трэба шукаць варыянты кiравання. Магчыма, кiраўнiк вельмi жорсткi адмiнiстратар, цi людзей не задавальняе аплата працы, маральна-псiхалагiчны клiмат у калектыве. Неабходна ставiць гэтыя пытаннi i вырашаць iх, iнакш калектыў распадзецца. У нас, дарэчы, нiхто не замiнае спецыялiсту падымацца ўверх па службовай лесвiцы. Калi работнiку не падабаецца парадак працы, то пасля заканчэння тэрмiну дагавора банка з iм спецыялiст пакiдае банк. Па аб'ектыўных прычынах атрымлiваецца, што крыху вышэйшы паказчык цякучасцi аперацыйна-касавых работнiкаў у абласных цэнтрах i Мiнску: тут ёсць магчымасць мiграцыi, пошуку месца, дзе зарплата вышэйшая. Безумоўна, можна весцi гутарку пра тое, як зменшыць працэнт цякучасцi - крокаў для гэтага шмат, адпаведны алгарытм пралiчаны. Але каб калектыў быў пастаянны, патрэбна мець пэўныя пазiцыi яго развiцця з пункту гледжання эканамiчнага эфекту: неабходна даваць калектыву творча працаваць i выконваць усе творчыя паказчыкi. У нас, вядома ж, прад'яўляюцца да супрацоўнiкаў банка павышаныя патрабаваннi, але сёння ўжо нельга працаваць па-iншаму. Я вышэй узгадваў, што летась банк атрымаў прыбытак 189,5 мiльярда рублёў, а на сёлета ставiцца задача давесцi гэты паказчык да 250 мiльярдаў. Гэта значыць, нашы работнiкi павiнны напружана працаваць - адказнасць будзе сур'ёзная i скiдак нiкому не будзе. Каб паказваць вынiкi, неабходна пастаянна ўдасканальваць працу, не будзе пошуку - нас абыдуць iншыя банкi.

- Для маладых спецыялiстаў вельмi важнае пытанне - як вырашаюцца iх сацыяльныя праблемы. Што ў гэтым плане робiцца ў "Беларусбанку"?

- Для нас гэта вельмi актуальнае пытанне, i мы яго ў пэўнай ступенi звязваем з замацаваннем маладых спецыялiстаў. Праблем тут хапае. Напрыклад, калi малады спецыялiст прыязджае на працу ў сельскi фiлiял, то ён, у першую чаргу, сутыкаецца з жыллёвай праблемай. Каб вырашыць яе, мы ставiм задачу больш цеснага кантакту з мясцовымi органамi ўлады па пытаннях працаўладкавання i сацыяльнага статусу моладзi, стараемся ствараць умовы, каб работнiкi самастойна будавалi жыллё. У нашых сiлах дапамагчы маладому чалавеку ўзяць крэдыт, каб ён пабудаваў жыллё i застаўся працаваць на месцы. Хацелася б падкрэслiць, што праца з людзьмi - вельмi сур'ёзны напрамак у "Беларусбанку". Моладзь жа, трэба заўважыць, сёння выконвае вельмi вялiкiя функцыi, у тым лiку i ў нашым банку, а маладзёжны рух з'яўляецца асноўнай апорай у жыццi любога працоўнага калектыву i асаблiва кiраўнiка. Разумеючы гэта, мы, каб накiраваць энергiю i патэнцыял маладых людзей у правiльнае рэчышча, перадаць iм веды, аб'яднаць iх, стварылi тры гады таму галiновую арганiзацыю БРСМ у банку. Зараз каля 3 тысяч чалавек уваходзяць у склад гэтага саюза. I заўсёды прыемна бачыць, што наша моладзь бярэ актыўны ўдзел, напрыклад, у сiстэме дабрачыннай дапамогi, арганiзоўвае на месцах шматлiкiя мерапрыемствы сацыяльнага i iдэалагiчнага плана, шэфскiя канцэрты, спартакiяды, конкурсы.

- Многiя вашы клiенты заўважылi, што "Беларусбанк" надае шмат увагi не толькi якаснаму абслугоўванню насельнiцтва, але i афармленню ўнутраных iнтэр'ераў памяшкання банка. За апошнiя гады аддзяленнi i фiлiялы банка iстотна папрыгажэлi, сюды прыемна прыходзiць i клiентам, i персаналу.

- Можна з гонарам казаць, што каля 70 працэнтаў усiх нашых устаноў ужо рэканструяваны. Гэта вялiкая праца i яна патрабуе адцягнення значных фiнансавых сродкаў. Аднак мы робiм усё для нашых людзей. Першы наш тэзiс - якаснае абслугоўванне клiентаў, другi - знешняе афармленне i iмiдж банкаўскай структуры. Ну як, напрыклад, клiент VIР-класа можа прыйсцi ва ўбогае памяшканне, дзе рамонт не праводзiўся гадоў 20, дзе не створаны ўмовы для таго асяроддзя зносiнаў, якiя павiнны быць на ўзроўнi карпаратыўных адносiнаў з клiентам. Таму мы штогод стараемся папаўняць пералiк устаноў, дзе праводзiлi рэканструкцыю, будуем новыя. Сёння, улiчваючы iмiдж банка, мы разглядаем i пытанне аб будаўнiцтве цэнтральнага офiса ў Мiнску на праспекце Дзяржынскага. Будзем будаваць вялiкi, прыгожы офiс - гэта будзе адна з найпрыгажэйшых устаноў у Беларусi. Ужо, дарэчы, ёсць архiтэктурнае рашэнне гэтага аб'екта. Спадзяюся, што ў блiжэйшыя два-тры гады мы атрымаем будынак, якi будзе не толькi вiзiтоўкай "Беларусбанка", але i Мiнска, i краiны.

Наш банк жыве не толькi сённяшнiм днём, але i днём будучым. Таму ўся тэхналогiя iдэалагiчнай працы накiравана на тое, каб стварыць усе ўмовы для дастойнага прадстаўлення банка як на ўзроўнi нашай дзяржавы, так i за мяжой. Мiж iншым, зараз наш банк актыўна ўдзельнiчае ў праекце па стварэннi новага прадстаўнiцтва ў Лондане, дзе сустракаюцца i суправаджаюцца вялiкiя грашовыя патокi. Як вядома, "Беларусбанк" дастойна прадстаўлены i ў Кiтаi. Улiчваючы ўсё вышэйсказанае, я ўпэўнены, што наш банк будзе насамрэч лiдарам на рынку банкаўскага развiцця, развiцця нашай эканомiкi. Безумоўна, гэта лiдарства вельмi складана будзе ўтрымаць - высокая канкурэнцыя, але дзякуючы намаганням нашага кiраўнiцтва, калектыву, - цалкам магчыма.

Iгар ШЧУЧЭНКА.

Калі Вы заўважылі недакладнасць, калі ласка, выдзеліце яе і націсніце Ctrl+Enter
/ / / Уладзiмiр Занько: "Беларусбанк" — гэта сур’ёзная, стабiльная...