Жыццё банка
30.05.2019

«Важна ведаць мару і праблему кожнага супрацоўніка»: у «Зубраняці» сустрэўся ідэалагічны актыў банка

Выспупленні вядомых экспертаў, адкрыты дыялог з супрацоўнікамі банка, гарачыя дэбаты на актуальныя тэмы і дзелавыя гульні. Усё гэта можна было назіраць у мінулыя выхадныя ў адным з самых маляўнічых куткоў нашай краіны - пас. Зубранёўка Мядзельскага раёна.

На базе дзіцячага адукацыйна-аздараўленчага цэнтра «Зубраня» адбыўся рэспубліканскі семінар ідэалагічнага актыву па тэме «Удасканаленне ідэалагічнай работы ў ААТ «ААБ Беларусбанк». Удзельнікамі сталі 239 супрацоўнікаў банка.

zubrenok-1

«У гэтым годзе мы вырашылі правесці справаздачна-выбарчую канферэнцыю грамадскага аб'яднання «Белая Русь» і прэзентацыю сацыяльных праектаў актыву БРСМ на адной пляцоўцы, - адзначыла ў сваім прывітальным слове намеснік старшыні праўлення Таццяна Міхайлоўская. - Упэўнена ў правільнасці гэтага рашэння, бо падобны фармат спрыяе не толькі абмену вопытам - гэта ўдалая нагода для адкрытай і канструктыўнай дыскусіі прадстаўнікоў розных пакаленняў».

zubrenok-2

Спікеры семінара ў сваіх выступленнях закраналі найбольш актуальныя на сённяшні дзень тэмы. Старшыня Цэнтрвыбаркама Лідзія Ярмошына дэталёва расказала слухачам пра палітычную культуру ў нашай краіне на прыкладзе электаральных кампаній у краіне і за яе межамі.

zubrenok-3

Сёння «Белая Русь» - адна з ключавых грамадскіх арганізацый у краіне, якая выконвае важную ролю ў развіцці грамадзянскай супольнасці Беларусі. Старшыня РГА «Белая Русь» Генадзь Давыдзька расказаў удзельнікам аб дзейнасці арганізацыі на сучасным этапе. Паводле яго слоў, у рамках асабістых сустрэч становіцца зразумела, што ўступленне ў арганізацыю не з'яўляецца для грамадзян нейкай фармальнасцю, а поўнасцю абдуманым крокам з мэтай рэалізацыі канкрэтных сацыяльна-значных праектаў на карысць кожнага жыхара і краіны ў цэлым.

«Важна ведаць мару і праблему кожнага супрацоўніка. Кіраўніцтва кампаніі і грамадскія арганізацыі павінны аказваць максімальнае садзейнічанне ў рэалізацыі мары і вырашэнні праблемных пытанняў работнікаў сваёй установы», - падкрэсліў Генадзь Давыдзька.

zubrenok-4

У сакавіку гэтага года ў краіне кіраўніком дзяржавы зацверджана Канцэпцыя інфармацыйнай бяспекі. Адзін з яе распрацоўшчыкаў, старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Ігар Марзалюк у сваёй прамове адзначыў, што сёння трансфармацыя соцыума ў інфармацыйнае грамадства спараджае новыя рызыкі, выклікі і пагрозы, якія прама закранаюць пытанні забеспячэння нацыянальнай бяспекі, у тым ліку абароненасць інфармацыйнай прасторы. Па словах эксперта, у нашы дні вялікую ўвагу трэба ўдзяляць і пытанням забеспячэння бяспекі інфармацыйнай інфраструктуры, у тым ліку нацыянальнага сегмента сеткі інтэрнэт і супрацьдзеянню кіберзлачыннасці.

zubrenok-5

Ключавой пляцоўкай для фарміравання лідарскіх якасцей у маладога пакалення і ўвасаблення сацыяльных ініцыятыў застаецца Беларускі рэспубліканскі саюз моладзі. Як адзначыў у сваім выступленні другі сакратар ЦК ГА «БРСМ» Алег Дзікун, грамадская арганізацыя - гэта выдатны шанс для самарэалізацыі сучаснай моладзі нашай краіны.

zubrenok-66

Падчас выступлення спікераў  удзельнікі семінара задаюць нямала пытанняў.

zubrenok-7

zubrenok-8

Другі год у нашай краіне праходзіць пад знакам «Года малой радзімы». Дацэнт кафедры этналогіі, музеялогіі і гісторыі мастацтваў БДУ Сцяпан Захаркевіч з дакладам «Малая Радзіма як крыніца захавання традыцыйнай беларускай культуры» на канкрэтных прыкладах прэзентаваў аўдыторыі гэты нацыянальны праект.

zubrenok-9

Падчас ідэалагічнага форуму таксама адбылася справаздачна-выбарчая канферэнцыя ОПП ААТ «ААБ Беларусбанк» РГА «Белая Русь». Старшыня грамадскай арганізацыі банка расказаў дэлегатам аб выніках дзейнасці структуры і ключавых праектах, рэалізаваных членамі «Белай Русі» па краіне. 

zubrenok-10

Па выніках канферэнцыі актыўныя прадстаўнікі грамадскай арганізацыі былі ўзнагароджаны Ганаровымі граматамі. Дэлегаты сустрэчы таксама аднагалосна прагаласавалі за кандыдатуру Дзмітрыя Бакіноўскага на пасадзе старшыні ОПП ААТ «ААБ Беларусбанк» РГА «Белая Русь».

zubrenok-11

У рамках ідэалагічнага семінара для лідараў маладзёжнага руху ў банку было арганізавана World café «БРСМ. Беларусбанк. Перазагрузка». Месца сустрэчы маладзёжнага актыву было выбрана невыпадкова. 50 гадоў таму ў Мядзельскім раёне адкрыўся лагер піянерскага і камсамольскага актыву школ Беларусі. Сёння «Зубраня» стаў сталіцай шчаслівага дзяцінства, набыў сваю індывідуальнасць і грамадскі статус.

zubrenok-12

Банк прадастаўляе сваім маладым супрацоўнікам усе магчымасці для кар'ернага росту і рэалізацыі творчага патэнцыялу. Падобныя сустрэчы спрыяюць набыццю карыснага вопыту, пашырэнню кола зносін.

У гэтым годзе новы фармат ідэалагічнага семінара быў дапоўнены чарговым крэатыўным праектам - дзелавая гульня «Weekend праектаў і ідэй».

Некалькі дзясяткаў каманд у дыскусіях распрацоўвалі праекты для наступнай магчымай іх рэалізацыі ў сістэме банка.

zubrenok-13

zubrenok-14

zubrenok-15

zubrenok-16

Ужо традыцыйным стала правядзенне інтэлектуальна-забаўляльнай гульні ў рамках клуба «Плацінавая сава». Чарговая порцыя складаных пытанняў ад арганізатараў не застала знянацку эрудзіраваны актыў каманд-удзельніц.

zubrenok-17

Вішанькай на торце сталі гарачыя дэбаты з удзелам гасцей мерапрыемства - экспертаў па аратарскім майстэрстве з Белдзяржуніверсітэта. Дзве каманды адстойвалі свае думкі і погляды ва ўпартай эмацыянальнай барацьбе. Галоўным героям дэбатаў таксама давялося адказваць на вострыя пытанні з залы.

zubrenok-18

 

zubrenok-19

Лідары грамадскіх арганізацый банка і актыўныя ўдзельнікі трохдзённага семінара даказалі, што могуць не толькі настроіцца на сур'ёзную размову з вядомымі экспертамі, творча падысці да распрацоўкі КСА праектаў, але і выдатна правесці тэматычны вечар у стылі дыска 80-90-х гг. у фармаце карпаратыўнага праекта «Пятніца».

Па выніках адкрытых дыскусій і інтэлектуальных актыўнасцей удзельнікі ідэалагічнага семінара, які ўпершыню прайшоў у такім фармаце, сышліся ў меркаванні, што мерапрыемства стала эфектыўнай платформай для распрацоўкі новых праектаў развіцця банка, абмену думкамі і цікавых сустрэч.

Аддзел камунікацый