Жыццё банка
02.10.2018

«Асенні вернісаж»: у Беларусбанку прайшло свята для пажылых людзей

«Дзень дабра і павагі» - так арганізатары назвалі традыцыйнае мерапрыемства ў гонар ветэранаў банка, якое прайшло ў галаўным офісе.

vernisaj

— Вы аддалі нашай установе не адзін дзясятак гадоў, — звярнулася з прывітальным словам да ветэранаў «Беларусбанка» намеснік Старшыні Праўлення ААТ «ААБ Беларусбанк» Таццяна Міхайлоўская. — І сёння мы развіваемся на трывала закладзеным вамі падмурку. Дзякуй за тое, што вы зрабілі для банка, за вашу мудрасць і бясконцую адданасць, якую вы пранеслі праз гады.

vernisaj2

— Нам прыемна, што па традыцыі, якая зарадзілася амаль два дзесяцігоддзі таму, мы збіраемся ў сценах роднага банка, п'ём гарбату, сустракаемся з калегамі і з задавальненнем назіраем, як развіваецца і ўдасканальваецца ўсё, што стваралася нашай працай, — адзначыла кіраўнік ветэранскай арганізацыі банка Надзея Ермакова. — Дзень пажылых людзей - цудоўнае свята, дзякуючы якому мы можам аддаць даніну павагі і сказаць добрыя словы людзям «залатога» ўзросту, якія заслужылі, каб ім дзякавалі, ушаноўвалі. Ад усёй нашай ветэранскай арганізацыі я кажу «дзякуй» Праўленню банка за тое, што нас не забываюць, за тое, што для нас дзейнічае выдатная сацыяльная праграма «Клопат». Віншую ўсіх са святам залатой восені і пачаткам нашага «залатога» ўзросту.

vernisaj3

Завяршыў мерапрыемства святочны канцэрт. Сапраўдны «Асенні вернісаж» падрыхтавалі супрацоўнікі банка і іх дзеці для сваіх былых калег.

vernisaj4

vernisaj5

vernisaj6

vernisaj7

vernisaj8

vernisaj9

vernisaj10

vernisaj11

vernisaj12

Падобныя сустрэчы і канцэрты для людзей старэйшага пакалення праходзяць ва ўсіх структурных падраздзяленнях банка ў першых чыслах кастрычніка.

Даведачна:

Сёння ветэранская арганізацыя «Беларусбанка» налічвае больш за 6 000 чалавек.

З 1998 года ў банку дзейнічае праграма «Клопат» па сацыяльнай абароне ветэранаў, якія пайшлі на пенсію са структурных падраздзяленняў «Беларусбанка». Яна прадугледжвае аказанне матэрыяльнай дапамогі і маральнай падтрымкі. З ліку даброт, даступных былым супрацоўнікам банка, - садзейнічанне ў арганізацыі лячэння і адпачынку ў аздараўленчых установах банка, запрашэнне на культурна-масавыя мерапрыемствы, віншаванні з юбілейнымі датамі і дзяржаўнымі святамі. Ветэраны Вялікай Айчыннай вайны, інваліды, адзінокія і малазабяспечаныя атрымліваюць спонсарскую і адрасную дапамогу, непрацуючыя пенсіянеры - штомесячныя даплаты да пенсіі.