Жыццё банка
19.09.2017

«Беларусбанк» стаў партнёрам праекта «Зялёныя скарбы Беларусі»

У ваколіцах г. Слоніма, пры падтрымцы ААТ «ААБ Беларусбанк», адбылася першая акцыя з цыклу запланаваных пад назвай «Зялёныя скарбы Беларусі». Удзельнікі мерапрыемства, сярод якіх былі не толькі дарослыя, але і дзеці, высадзілі рэзервовую цэнапапуляцыю рэдкай знікаючай расліны - дуброўка скальная, адзінае месца рассялення якой ў Рэспубліцы Беларусь знаходзіцца непадалёк ад вёскі Парэчча на тэрыторыі Слонімскага раёна.

zelskrab

Алеся Кручонак, загадчыца сектарам захавання і аднаўлення раслінных рэсурсаў Цэнтральнага батанічнага саду Нацыянальнай акадэміі навук Рэспублікі Беларусь: «Сярод асноўных экалагічных праблем скарачэнне біяразнастайнасці займае асаблівае месца, і гэта праблема стаіць на чале нацыянальных прыярытэтаў. Навукоўцы Батанічнага саду НАН Беларусі ўзмоцнена працуюць над захаваннем, рэзервацыяй і аднаўленнем унікальных папуляцый рэдкіх раслін. Адной  з такіх з'яўляецца дуброўка скальная. Нашы супрацоўнікі правялі неабходную навуковую работу для выратавання і аднаўлення рэзервовага генафонду гэтай папуляцыі: было сабрана насенне, вырашчаны расліны для перамяшчэння ў больш бяспечнае для іх месца (непадалёк ад мацярынскай папуляцыі). Рады, што ў Год навукі да нашай работы далучыўся «Беларусбанк», сумесна з якім у рамках праекта «Зялёныя скарбы Беларусі» мы працягнем папулярызацыю дасягненняў у межах захавання біяразнастайнасці і аднаўленню ўнікальных аб'ектаў прыроды нашай краіны».

Дзмітрый Бакіноўскі, начальнік упраўлення інфармацыі і сацыяльнага развіцця ААТ «ААБ Беларусбанк»: «Сёння пытанні экалогіі, аховы і захавання навакольнага асяроддзя ўсё часцей вылучаюцца на першы план сярод глабальных прыярытэтаў сусветнай супольнасьці і з'яўляюцца неад'емнымі ўмовамі якасці жыцця людзей. «Беларусбанк», з'яўляючыся сацыяльна адказным брэндам, ідзе ў нагу з часам. У банку прынята Палітыка ў межах карпаратыўнай сацыяльнай адказнасці, мы далучыліся да міжнароднай ініцыятывы ААН у вобласці КСА «Глабальны дагавор». У 2017 годзе было ініцыявана шэраг новых праектаў, накіраваных на ўстойлівае развіццё беларускага грамадства. Адной з такіх ініцыятыў з'яўляецца вельмі важны на наш погляд праект «Зялёныя скарбы Беларусі". Ён унікальны тым, што з яго дапамогай мы можам захаваць і пашырыць папуляцыі рэдкіх раслін, аб'яднаць намаганні ўсіх зацікаўленых бакоў у стварэнні новых экатурыстычных аб'ектаў, а галоўнае, звярнуць увагу на праблемы скарачэння біяразнастайнасці нашай краіны».

zelskrab2

zelskrab3

Удзельнікамі акцыі, акрамя вучоных з Цэнтральнага батанічнага саду Нацыянальнай акадэміі навук Рэспублікі Беларусь і Інстытута эксперыментальнай батанікі імя. В.Ф. Купрэвіча НАН Беларусі, сталі прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь, Міністэрства лясной гаспадаркі Беларусі, Слонімскага раённага выканаўчага камітэта, вучні Слонімскага раённага экалагічнага цэнтра дзяцей і моладзі, прадстаўнікі ААТ «ААБ Беларусбанк».