Жыццё банка
06.07.2017

«Беларусбанк» актыўна прасоўвае фінансавую граматнасць (прэс-рэліз)

Сумесную акцыю па павышэнні фінансавай граматнасці «Чароўная карта» для работнікаў МАЗа і іх дзяцей правялі супрацоўнікі «Беларусбанка» і плацежная сістэма БЕЛКАРТ. Магчымасці ДБА, правілы разлікаў па банкаўскіх плацежных картках, перавагі і правілы іх бяспечнага выкарыстання сталі тэмай урока. Ён увабраў у сябе таксама віктарыну на фінансавую тэматыку і ўручэнне заслужаных  фірменных сувеніраў.

«Каб засвойваць правілы безнаяўнага разліку не было сумна, мы падрыхтавалі лёгкія і цікавыя формы падачы інфармацыі. Спачатку ўдзельнікі даведаліся, у якіх краінах упершыню з’явіліся плацежныя карткі, дзе яны найбольш актыўна выкарыстоўваюцца, якія дзяржавы маюць свае нацыянальныя плацежныя сістэмы, - расказаў дырэктар філіяла № 511 Іван Кандратовіч. - Правілы лепш засвойваюцца, калі іх адразу замацаваць на практыцы. Такой «адпрацоўкай» стаў майстар-клас па аплаце паслуг і пераводзе грошай праз інфакіёск. Па водгуках, гэта мерапрыемства было не проста цікавым, але і вельмі карысным, паколькі дазволіла многім павысіць сваю фінансавую культуру, даведацца шмат новага пра магчымасці выкарыстання картачных прадуктаў, новых сэрвісаў».

image001

«Перавагі плацежнай карткі відавочныя. Вопытны трымальнік карткі эканоміць час, не турбуецца аб захаванні ўласных грошай і нават атрымлівае дадатковы даход, - гаворыць Марына Роман, кіраўнік аддзела PR плацежнай сістэмы БЕЛКАРТ. – Між іншым, далёка не ўсе беларусы могуць пахваліцца такой прасунутасцю, у выніку чаго шырокія магчымасці плацежных картак даступны ім не ў поўнай ступені. Каб зрабіць жыццё трымальнікаў картак больш камфортным, мы запусцілі праект "Быць бліжэй", у рамках якога і адбылася акцыя «Чароўная карта».

image003

У мэтах павышэння фінансавай граматнасці насельніцтва падобныя забаўляльна-пазнавальныя праекты ад «Беларусбанка» і БЕЛКАРТ пройдуць у многіх кутках краіны.

 

Прэс-служба ААТ «ААБ Беларусбанк»