Жыццё банка
04.07.2017

«Беларусбанк» правёў акцыю ў падтрымку нацыянальнай культуры (прэс-рэліз)

У рамках мерапрыемстваў па святкаванні 95-годдзя ААТ «ААБ Беларусбанк» 1 ліпеня на тэрыторыі Беларускага дзяржаўнага музея народнай архітэктуры і побыту пад Мінскам прайшоў дабрачынны праект «Этнапікнік з Беларусбанкам».

image001

«З далучэннем да Глабальнага дагавору ААН наш банк узмацніў акцэнт на сацыяльную адказнасць. У ліку рэалізуемых дабрачынных праектаў праект «Прастора натхнення» карыстаецца асаблівымі адносінамі з боку калектыву, – пракаменціраваў начальнік упраўлення інфармацыі і сацыяльнага развіцця ААТ «ААБ Беларусбанк» Дзмітрый Бакіноўскі. – Выбар Беларускага дзяржаўнага музея народнай архітэктуры і побыту быў станоўча прыняты супрацоўнікамі. Сабраныя наведвальнікамі фэста дабрачынныя ахвяраванні пойдуць напрамую на рахунак музея, дапамагаючы захоўваць унікальную калекцыю беларускай традыцыйнай драўлянай архітэктуры XVIII – XX стст., які па праву можна назваць беларускім Скансэнам. Такія гісторыка-культурныя аб’екты павінны жыць, сюды павінны актыўна прыязджаць і жыхары Беларусі, і замежныя госці».

image002

У вёску Азярцо прыязджалі сем’ямі. Самыя актыўныя прыхільнікі здаровага ладу жыцця выбралі веласіпед.

Кожны мог знайсці занятак даспадобы.

image003

image004

Святочную атмасферу ствараў канцэрт. Хэдлайнерамі музычнай часткі мерапрыемства сталі віртуоз ігры на балалайцы Аляксандр Варанішча і неафольк-рок гурт «Rokash».

image005

Аматарам актыўных забаў было прапанавана  катанне на конях і поні, народныя танцы і палёты на мотапараплане, верталёце, паветраным шары, з якіх можна было аглядзець маляўнічыя наваколлі з вышыні птушынага палёту.

image006

Квэст «Таямнічая гісторыя» прадаставіў магчымасць пазнаёміцца з міфалогіяй Беларусі, жадаючых паспрабаваць сябе ў рамёствах чакалі майстар-класы па вырабе лялек-мотанак і па стварэнні традыцыйнага беларускага строю сваімі рукамі.

image007

Захапляльныя зборныя экскурсіі дазволілі ўсім жадаючым пазнаёміцца з асаблівасцямі старажытнай беларускай архітэктуры, побыту і традыцый.

image008

Вялікую ўвагу прыцягваў стэнд «Беларусбанка», дзе размясцілася мадэль рабочага месца супрацоўніка ашчаднай касы 50-х гадоў. Тут аўтограф-сесію правяла сярэбраны прызёр Алімпійскіх гульняў, рэкламны твар банка Аляксандра Герасіменя.

picnic

Сюрпрызы і розыгрыш падарункаў ад ААТ «ААБ Беларусбанк», спецыяльная зона для пікніка сталі прыемнымі дапаўненнямі для ўсіх, хто прыйшоў на свята.

 

Прэс-служба ААТ «ААБ Беларусбанк»