Жыццё банка
25.05.2017

Актуальныя пытанні арганізацыі ідэалагічнай работы ў «Беларусбанку» разгледжаны на традыцыйным семінары

Прадстаўнікі грамадскіх аб’яднанняў ААТ «ААБ Беларусбанк» разгледзелі пытанні арганізацыі ідэалагічнай работы ва ўстанове.

«Ідэалагічная работа павінна быць цесна звязана з надзённымі праблемамі людзей, і тады яна будзе прыносіць рэальную аддачу, сур’ёзна ўплываць на бізнес-працэсы, – адзначыў у прывітальным слове старшыня праўлення Віктар Ананіч. – Правядзенне ідэалагічных семінараў – выдатная практыка, якую варта працягваць. Гэта добрая пляцоўка для абмеркавання надзённых тэм, абмену вопытам, вызначэння далейшай стратэгіі кансалідацыі нашага вялікага калектыву».

 seminar

Тэмай абмеркавання сталі актуальныя ідэалагічныя пагрозы беларускаму грамадству ў інфармацыйнай сферы, палітычныя партыі і рухі Рэспублікі Беларусь на сучасным этапе. Спікерамі выступілі Ігар Марзалюк, старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь, доктар гістарычных навук, прафесар, Пётр Пятроўскі, навуковы супрацоўнік Цэнтра сацыяльна-філасофскіх і антрапалагічных даследаванняў Дзяржаўнай навуковай установы «Інстытут філасофіі Нацыянальнай акадэміі навук Беларусі», кіраўнік грамадскага экспертнага цэнтра «Номос».

Аляксандр Кільчэўскі, галоўны вучоны сакратар Нацыянальнай акадэміі навук Беларусі, доктар біялагічных навук, прафесар, член-карэспандэнт НАН Беларусі рассказаў пра асноўныя напрамкі далейшага навуковага і інавацыйнага развіцця краіны.

 seminar2

У рамках семінара адбылася прэзентацыя кнігі «Францыск Скарына – чалавек  свету», выданне якой прымеркавана да 500-годдзя першадрукара, мысліцеля, філосафа, выдатнага дзеяча эпохі Адраджэння, а таксама выстава-продаж УП «Выдавецтва «Беларуская Энцыклапедыя імя Петруся Броўкі». Адметна, што мерапрыемства прайшло ў дзень славянскай пісьменнасці і культуры, у развіццё якой Скарына ўнёс неацэнны ўклад.

 seminar3

 seminar4

seminar5

У гэты ж дзень арганізацыя па вытворчым прынцыпе ААТ «ААБ Беларусбанк» РГА «Белая Русь» падвяла вынікі сваёй дзейнасці на IV рэспубліканскай канферэнцыі.