Жыццё банка
01.03.2017

«Беларусбанк» і БЕЛКАРТ правялі «Урок фінансаў»

Фінансавы ўрок для навучэнцаў 6-7 класаў прайшоў напярэдадні ў сярэдняй школе № 2 г.Стоўбцы.

Падчас інтэрактыўных заняткаў спецыялісты ААТ «ААБ Беларусбанк» і ЗАТ «Плацежная сістэма БЕЛКАРТ» правялі віктарыну і расказалі навучэнцам, што такое банкі, чым яны займаюцца, навошта патрэбны банкаўскія плацежныя карткі, як правільна і бяспечна імі карыстацца, якія існуюць сучасныя спосабы кіравання грашыма пры дапамозе сістэм «Інтэрнэт-банкінг», «М-банкінг», «ТВ-банкінг», і многае іншае.

Супрацоўнікі «Беларусбанка» падрабязна расказалі дзецям пра дзяцячую плацежную картку, а таксама ўрачыста ўручылі такую карту адной з вучаніц СШ №2.

Самых актыўных удзельнікаў віктарыны і «Урока фінансаў», набраўшых найбольшую колькасць балаў за правільныя адказы, узнагародзілі дыпломамі пераможцы і сувенірамі.

«Мерапрыемства прайшло вельмі насычана. Дзеці не толькі атрымалі новыя і карысныя веды, але і шмат прыемных уражанняў. Інтэрактыўны фармат, безумоўна, выклікае інтарэс у школьнікаў, таму што выходзіць за рамкі звычайных урокаў», – адзначыла дырэктар ЦБП № 624 філіяла № 500 – Мінскага ўпраўлення ААТ «ААБ Беларусбанк» Людміла Стралкоўская.

Адзначым, што «Беларусбанк» вядзе планамерную работу па павышэнні ведаў юных жыхароў краіны аб фінансах. У 2015 годзе банк адзін з першых ва Усходняй Еўропе далучыўся да святкавання «Тыдня фінансавай граматнасці дзяцей і моладзі» («Global Money Week»), якая стала самай буйной агульнасусветнай кампаніяй па павышэнні ведаў аб фінансах для дзяцей. У 2016 годзе спецыялісты «Беларусбанка» правялі 344 мерапрыемствы, прымеркаваныя да «Global Money Week», з удзелам больш чым 17 тысяч дзяцей, навучэнцаў і студэнтаў.

Усяго ж ў 2016 годзе банкам праведзена больш за 8,8 тысяч розных мерапрыемстваў па павышэнні фінансавай граматнасці з удзелам больш за 400 тысяч чалавек.