Жыццё банка
05.01.2017

«Беларусбанк» і БЕЛКАРТ узнагародзілі пераможцаў VI этапу конкурсу «Сам сабе дызайнер»

У Музеі-гасцёўні Уладзіслава Галубка прайшла цырымонія ўзнагароджання пераможцаў шостага этапу конкурсу «Сам сабе дызайнер». На цырымоніі прысутнічалі пераможцы, іх бацькі, прадстаўнікі «Беларусбанка» і БЕЛКАРТ.

1

Спецыяльна для пераможцаў конкурсу з музычнымі нумарамі выступілі стыпендыяткі фонду прэзідэнта па падтрымцы адоранай моладзі Хотылева Ксенія і Шчарбакова Яна, а таксама ўдзельніца праекта «Я спяваю», салістка нацыянальнага цэнтра імя Мулявіна Вераніка Цыкунова.

Прыемным бонусам для наведвальнікаў цырымоніі ўзнагароджання стала экскурсія па Музеі-гасцёўні Уладзіслава Галубка, у якую ўваходзіла тэатральнае прадстаўленне  «Цар Ірад» лялечнага тэатра «Батлейка».

Конкурс «Сам сабе дызайнер» праводзіцца ў рамках праекта kartochki.by, які рэалізуе ААТ «ААБ Беларусбанк» і плацежная сістэма БЕЛКАРТ. Праект быў запушчаны ў маі 2016 года. Кожны месяц журы выбірае лепшыя работы, якія створаны з дапамогай сэрвісу kartochki.by. Для ўдзелу ў конкурсе неабходна стварыць свой дызайн, паставіць птушку ў полі «Прыняць удзел у конкурсе» і пазначыць дадатковую інфармацыю пра сябе.

2