Жыццё банка
28.11.2016

«Беларусбанк» і БЕЛКАРТ узнагародзілі пераможцаў V этапу конкурсу «Сам сабе дызайнер»

У Дзяржаўным музеі гісторыі тэатральнай і музычнай культуры прайшла цырымонія ўзнагароджання пераможцаў пятага этапу конкурсу «Сам сабе дызайнер».

Перад пачаткам цырымоніі прадстаўнікі «Беларусбанка» і плацежнай сістэмы БЕЛКАРТ традыцыйна выступілі з прывітальным словам. Спецыяльна для пераможцаў конкурсу і іх бацькоў выступілі тэатр эстраднай песні «Сябрынка» і калектыў народнай традыцыйнай музыкі, які выканаў кампазіцыі на нацыянальных інструментах дуда і флейта.

001

Прыемным бонусам для ўдзельнікаў і гледачоў цырымоніі стала экскурсія па музеі гісторыі тэатральнай і музычнай культуры, у якую ўваходзіла тэатральнае прадстаўленне лялечнага тэатра «Батлейка».

Конкурс «Сам сабе дызайнер» праводзіцца ў рамках праекта kartochki.by, які рэалізуе ААТ «ААБ Беларусбанк» і плацежная сістэма БЕЛКАРТ. Праект быў запушчаны ў маі 2016 года. Кожны месяц журы выбірае лепшыя работы, якія створаны з дапамогай сэрвісу kartochki.by. Для ўдзелу ў конкурсе неабходна стварыць свой дызайн, паставіць галачку ў полі «Прыняць удзел у конкурсе» і пазначыць дадатковую інфармацыю пра сябе.

002

003