Жыццё банка
19.10.2016

У «Беларусбанку» стартаваў марафон «Сіла душы – у надзеі»

14 кастрычніка ў ААТ «ААБ Беларусбанк» адзначылі самае светлае свята ў годзе – Дзень маці, які традыцыйна па праваслаўным календары супадае з Пакровам Прасвятой Багародзіцы.

Дзень для работнікаў Галаўнога офіса банка пачаўся з акцыі «Не забудзьце павіншаваць маці». Кожнаму супрацоўніку пры ўваходзе была ўручана паштоўка-напамін з кранальнымі словамі ў адрас, мабыць, самых галоўных жанчын у жыцці любога чалавека.

1

У гэты дзень у банку адбылася IV рэспубліканская справаздачна-выбарчая канферэнцыя Аб’яднанай арганізацыі ААТ «ААБ Беларусбанк» грамадскага аб’яднання «Беларускі союз жанчын», прымеркаваная да 15-годдзя арганізацыі.

4

У цэнтры ўвагі ГА БСЖ «Беларусбанка» ўжо на працягу многіх гадоў застаюцца такія традыцыйныя для арганізацыі напрамкі, як дабрачыннасць, падтрымка сем’яў і жанчын, якія апынуліся ў няпростай жыццёвай сітуацыі, жаночае здароўе. Новымі напрамкамі, як адзначыла нанава абраны кіраўнік грамадскага аб’яднання Марына Лянчэўская, стануць зварот да беларускай культуры, яе вытокаў і традыцый, а таксама падтрымка жынчын у бізнесе.

3

У пацвярджэнне таго, што дабрачыннасць апрыёры з’яўляецца «сэрцам» дзейнасці саюза жанчын, у гэты дзень быў дадзены старт дабрачыннаму марафону «Сіла душы – у надзеі», у рамках якога праходзіць збор сродкаў у падтрымку Сацыяльнага дабрачыннага грамадскага аб’яднання «Геном».

«Штогод мы праводзім сустрэчы з нашымі жанчынамі, маці. І такое свята – лішняя падстава нагадаць нам усім, што мы можам дапамагчы тым, хто ў гэтым мае вялікую патрэбу. Сёння ў нас стартаваў марафон, які пройдзе ва ўсіх філіялах нашага банка. Кожны супрацоўнік зможа па загадзе сэрца далучыцца да яго і прыняць удзел у дабрачыннай акцыі», – расказаў намеснік старшыні праўлення ААТ «ААБ Беларусбанк» Уладзімір Занько.

2

Сабраныя сродкі СДГА «Геном» накіруе на дапамогу сем’ям, якія выхоўваюць дзяцей-інвалідаў з цяжкімі нервова-мышачнымі захворваннямі, закупку неабходных для іх падтрымліваючых прэпаратаў і сродкаў рэабілітацыі.

«Падапечныя «Генома» – асаблівыя дзеці. Усе яны пакутуюць ад нервова-мышачных захворванняў, выкліканых генетычнымі парушэннямі. Сёння ў краіне 73 сям’і, у якіх выхоўваюцца такія дзеткі. Я так удзячна «Беларусбанку». Упершыню намі зацікавілася і аказала дапамогу такая буйная арганізацыя», – падкрэсліла кіраўнік і ідэйны натхняльнік таварыства Ганна Герына.

Адзначым, што падобныя марафоны ГА БСЖ «Беларусбанка» плануе праводзіць некалькі разоў на год. Ідэя застанецца той жа, зменіцца толькі адрасат.