Жыццё банка
25.08.2016

У «Беларусбанку» стартаваў дзіцячы дабрачынны праект (прэс-рэліз)

У ААТ «ААБ Беларусбанк» 24 жніўня стартаваў дабрачынны праект па зборы кніг для дзіцячых устаноў. Акцыя «Кніга – лепшы сябар і падарунак», прымеркаваная да Дня ведаў, пачалася з Мінска, аднак будзе арганізавана па ўсёй сістэме банка. Сабраныя кнігі будуць адрасаваны дзецям, якія знаходзяцца ў складанай жыццёвай сітуацыі, і перададзены ў хоспіс, сацыяльныя прытулкі, дамы-інтэрнаты, дамы сямейнага тыпу, катэджы для якіх пабудаваў банк.

 1

2

3

Старт акцыі далі Міністр культуры Барыс Святлоў,  Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Лідзія Ярмошына, намеснік міністра інфармацыі Уладзімір Матусевіч, заслужаны дзеяч мастацтваў Рэспублікі Беларусь, кампазітар Алег Елісеенкаў, паэты Віктар Шніп, Іван Юркін, кіраўніцтва і супрацоўнікі банка. Усе яны прынеслі з сабой кнігі, кожную з якіх суправадзілі спецыяльнымі паштоўкамі з пажаданнямі і добрымі словамі, звернутымі да дзяцей.

 4

Намеснік старшыні праўлення ААТ «ААБ Беларусбанк» Уладзімір Занько адзначыў, што правядзенне дабрачынных акцый – добрая традыцыя банка, як і будаўніцтва дамоў для дзяце        й-сірот. «Кніга заўсёды была і сябрам, і дарадчыкам, і лепшым падарункам, – падкрэсліў намеснік старшыні. – Любоў да кнігі трэба прывіваць з дзяцінства. Да Дня ведаў нашы дамы сямейнага тыпу, а іх банкам пабудавана ўжо 15, атрымаюць кнігі і іншыя падарункі. Дзеці змогуць далучыцца да беларускага слова, адчуць цеплыню і дабрыню. Бо разам з кнігамі кожны з нас дае дзецям часцінку сваёй душы».

 5

6

Мерапрыемства прайшло ў рамках семінара ідэалагічнага актыву «Беларусбанка» «Фарміраванне культурнай прасторы беларускай дзяржавы».

 

Прэс-служба ААТ «ААБ Беларусбанк»