Жыццё банка
12.08.2016

«Беларусбанк» узнагародзіў пераможцаў дзіцячай віктарыны

Адным з вядучых напрамкаў дзейнасці «Беларусбанка» па фінансавай граматнасці насельніцтва з’яўляецца работа з дзецьмі і моладдзю. Публікацыі ў СМІ, арыентаваныя на гэты ўзроставы сегмент, выклікаюць вялікую цікавасць, як і сама тэма. Гэта сведчыць аб высокай адказнасці і сур’ёзным падыходзе падрастаючага пакалення да пытанняў кіравання фінансамі і якасці свайго матэрыяльнага дабрабыту.

1 ліпеня, у дзень правядзення дэнамінацыі, «Беларусбанк» сумесна з газетай «Зорка» знаёміў самых юных сваіх кліентаў з гэтым складаным працэсам. Тады ж чытачам было прапанавана адказаць на пытанні віктарыны з гісторыі манет. Шырокі кругагляд і фінансавая граматнасць дазволілі даць безпамылковыя адказы васьмі ўдзельнікам з розных куткоў Беларусі. Іх веды і стараннасць былі адзначаны банкам.
image002

Пераможцам віктарыны ўручаны заслужаныя прызы. Як расказалі самі дзеці, падораныя банкам скарбонкі прыйшліся вельмі дарэчы – цяпер будзе дзе захоўваць новыя манеты. Ну а прысмакамі вырашылі пачаставаць родных, вярнуўшыся дадому.

 

Прэс-служба ААТ «ААБ Беларусбанк»