«Беларусбанк» сумесна з плацежнай сістэмай БЕЛКАРТ папулярызуе беларускія музеі

image001

Нацыянальная плацежная сістэма БЕЛКАРТ вось ужо на працягу паўтара года рэалізуе праект «Музеі Беларусі з БЕЛКАРТ». Валанцёры праекта «Музеі Беларусі з БЕЛКАРТ» робяць фотарэпартажы з самых розных музеяў краіны. Ужо апублікавана больш за 130 фотарэпартажаў, але планы стваральнікаў праекта куды больш маштабныя – расказаць пра кожны музей Беларусі. «Беларусбанк» з свайго боку з задавальненнем падтрымлівае праект, накіраваны на інфармаванне грамадскасці аб культурнай спадчыне краіны.

image002Усё пачалося з мінскага музея, прысвечанага Уладзіміру Мулявіну. Фотарэпартаж з гэтага музея быў апублікаваны на сайце museums.by 24 мая 2014 года. Потым следам з'явіліся рэпартажы з музеаў з усіх куткоў краіны: ад невялікіх краязнаўчых музеяў да Нясвіжскага і Мірскага замкаў.

– З дапамогай гэтага праекта мы хочам популярызаваць культурную і гістарычную спадчыну Беларусі, – гаворыць кіраўнік праекта, начальнік аддзела па сувязях з грамадскасцю БЕЛКАРТ Марына Раман. – На мой погляд, беларусы не надта шмат ведаюць пра нашы музеі, а, між іншым, там захоўваецца мноства цікавых экспанатаў. У Беларусі багатая гісторыя, а музеі  – лепшы спосаб яе рэпрэзентацыі.

Акрамя рэпартажаў з саміх музеяў, праект праз год пасля запуску пашырыў поле дзейнасці і запусціў спецыяльны раздзел сайта – «Экскурсійныя маршруты». Гэта тэматычныя падарожжы па знакамітых мясцінах Беларусі. Напрыклад, раздзел прапануе адправіцца па старонках жыцця Адама Міцкевіча, Марка Шагала, прагуляцца па сталіцы Палесся – Пінску і многія іншыя напрамкі.

Праект «Музеі Беларусі разам з БЕЛКАРТ» арыентуецца ў першую чаргу на жыхароў Беларусі. Аднак стваральнікі не без падстаў мяркуюць, што беларускія музеі будуць цікавы і жыхарам блізкага замежжа.

У перспектыве арганізатары жадаюць развіваць праект «Экскурсійныя маршруты». Адзін з варыянтаў – супрацоўніцтва з турыстычнымі арганізацыямі. Аднак глабальныя перспектывы праекта – стварэнне даведніка па ўсіх беларускіх музеях і, магчыма, нават спецыяльнага дабрачыннага фонду, які будзе займацца дапамогай у рэканструкцыі і кансерваванні сядзіб, замкаў і іншых гісторыка-архітэктурных аб'ектаў Беларусі.

Нагадаем, за падтрымку нацыянальнай культуры «Беларусбанк» атрымаў дыплом «Мецэнат культуры Беларусі 2015». У цэлым, банк рэалізуе рад грамадска значных праграм, у т.л. у накірунку культуры, якія аб'яднаны ў праграму «Прастора натхнення».