Жыццё банка
03.03.2016

У «Беларусбанку» абраны новы старшыня Аб’яднанай прафсаюзнай арганізацыі

У «Беларусбанку» адбылася VIII Рэспубліканская канферэнцыя Аб’яднанай прафсаюзнай арганізацыі. Сацыяльныя партнёры – банк і прафсаюз далі справаздачу аб рэалізацыі Калектыўнага дагавору, зацверджанага ў 2013 годзе.

image002

Новая рэдакцыя дагавору была вынесена на абмеркаванне дэлегатаў. Карэкціроўкі былі зроблены з улікам патрабаванняў часу: утрыманства быць не павінна. Пытанні аплаты працы і яе рэгуляванне, рэжым працы і адпачынку, дадатковыя гарантыі і льготы, гарантыі занятасці, ахова працы, арганізацыя санаторна-курортнага лячэння, культурна-масавая работа і іншыя напрамкі праграмы закліканы матываваць работнікаў на паспяховую працу і зацікаўленасць у яе выніках.

У звароце да калектыву старшыня праўлення Сяргей Пісарык падкрэсліў, што ў банку прафсаюзам надавалася і будзе надавацца пільная ўвага. «Створана многа, закладзены трывалы фундамент, у плане сацыяльнай абароны супрацоўнікаў нам ёсць чым ганарыцца. Усе палажэнні Калектыўнага дагавору будзем выконваць», – запэўніў Сяргей Пісарык.

image004

Ён таксама звярнуў увагу на недапушчальнасць утрыманскай пазіцыі, калі супрацоўнікі ведаюць толькі свае правы, забываючы пра абавязкі. Узровень зарплаты павінен карэляваць з прадукцыйнасцю працы, залежыць ад канкрэтнага ўкладу ў агульную справу.

«Ураўнілаўкі не будзе. Якасная работа граматных і крэатыўных  прафесіяналаў будзе адпаведна ацэньвацца. Мы павінны займацца бізнесам, распрацоўваць новыя прадукты і паслугі і паспяхова іх прадаваць, – адзначыў старшыня. – Гэта дазволіць нам і далей заставацца ў авангардзе банкаўскіх трэндаў».

image006

Новым старшынёй Аб’яднанай прафсаюзнай арганізацыі банка абраны Максім Аўдзееў, які раней выконваў абавязкі дырэктара дэпартамента валютнага кантролю і фінансавага маніторынгу.

image008

Адбылася цырымонія ўзнагароджання прафсаюзнага актыву.

 

Прэс-служба ААТ «ААБ Беларусбанк»