Жыццё банка
14.09.2015

Супрацоўнік «Беларусбанка» стаў пераможцам Чэмпіянату свету па гіравым марафоне

Спецыяліст 1 катэгорыі службы тэхнічнай і фізічнай абароны філіяла №802 у г.Баранавічы дэпартамента бяспекі ААТ «ААБ Беларусбанк» Мікалай Канстанцінавіч Дубянюк стаў пераможцам Чэмпіянату свету па гіравым марафоне. У практыкаванні «рывок», гіра 24 кг, час 30 мінут ён паказаў вынік 429 пад’ёмаў і заняў 1 месца.

 image003 image002

 На першым памосце прадстаўнік Ірландыі (405 пад’ёмаў) заняў 2 месца, на другім памосце прадстаўнік Даніі (386 пад’ёмаў), заняў 3 месца.

image005Даведка:        Чэмпіянат свету па гіравым марафоне адбыўся ў Мінску на базе Фрунзенскага фізкультурна-аздараўленчага цэнтра 11-13 верасня. У спаборніцтвах прынялі ўдзел спартсмены з 13 краін: Беларусі, Расіі, Украіны, Казахстана, Польшчы, Францыі, ЗША, Аўстраліі, Іспаніі, Фінляндыі, Даніі, Італіі і Ірландыі.

Арганізатарамі міжнароднага форуму выступілі РГА «Беларускія майстры гіравога спорту» сумесна з РГА «Белая Русь», ініцыятарам правядзення выступіла Міжнародная федэрацыя гіравога марафона (International kettlebell marathon federation, Францыя).

Спартсмены спаборнічалі ў марафоне (60 мінут), паўмарафоне (30 мін.), і чвэрцьмарафоне (15 мін.) у практыкаваннях "штуршок", "рывок" і "доўгі цыкл". Таксама ў праграму спаборніцтваў быў уключаны раздзел "экстрэмальны марафон" – двухгадзінны і трохгадзінны марафоны, штуршок гіры вагой 40 кг і іншыя.