«Беларусбанк» і БЕЛКАРТ правялі незвычайны ўрок фінансавай граматнасці на «Камунарцы» (прэс-рэліз)

19 мая 2015 года ААТ «ААБ Беларусбанк» сумесна з плацежнай сістэмай БЕЛКАРТ упершыню ў Мінску правялі інфармацыйна-забаўляльнае мерапрыемства па павышэнні фінансавай граматнасці для ўсёй сям’і «Чароўная карта». Адбылося яно на базе карпаратыўнага кліента банка СААТ «Камунарка».

Праходзіла мерапрыемства ў форме актыўнага сямейнага свята. У той час як дарослыя кансультаваліся ў прадстаўнікоў банкаў, вучыліся карыстацца сродкамі дыстанцыйнага банкаўскага абслугоўвання, адказвалі на пытанні фінансавай віктарыны, самых маленькіх гасцей забаўлялі шаржысты, спецыялісты па аквагрыме і роставые лялькі.

Кожны, хто прыйшоў і хоць раз правільна адказаў на пытанне віктарыны, атрымаў сувенір. Узяць дадому памятны падарунак можна было і падрыхтаваўшыся загадзя – правёўшы аплату на суму не менш за 50 000 бел. руб. з дапамогай дыстанцыйнага сродку банкаўскага абслугоўвання і прад’явіўшы арганізатарам чэк, які пацвярджае аперацыю.

Кліенты цікавіліся ў банкаўскіх спецыялістаў укладнымі аперацыямі, крэдытамі, плацежнымі карткамі, рэгістраваліся для ўдзелу ў дысконтнай праграме «Е-плюс», падключаліся да М-банкінгу і Інтэрнэт-банкінгу, вучыліся карыстацца інфакіёскам.

Па водгуках удзельнікаў, гэта мерапрыемства было цікавым і карысным, паколькі дазволіла пазнаёміцца з магчымасцямі выкарыстання плацежных карт, садзейнічала павышэнню фінансавай культуры.

Падобныя акцыі «Беларусбанкам» і БЕЛКАРТ у рэспубліцы пачалі праводзіцца са снежня мінулага года.

Прэс-служба ААТ «ААБ Беларусбанк»