Жыццё банка
02.03.2015

У «Беларусбанку» прайшлі спаборніцтвы па лыжных гонках

«Беларусбанк» правёў XII зімовыя Рэспубліканскія спаборніцтвы па лыжных гонках «Зімовыя старты - 2015». Яны адбыліся ў Мінску на лыжаролернай трасе і сабралі дзве сотні мацнейшых спартсменаў банка, членаў іх сем’яў і балельшчыкаў. Супрацоўнікі прадэманстравалі выдатную фізічную падрыхтоўку і волю да перамогі.

Лепшыя вынікі паказала сталічная каманда. На другім месцы лыжнікі Мінскага абласнога ўпраўлення, а трэцяе месца дасталося камандзе Віцебскай вобласці.

Зусім не зімовае надвор’е з дажджом і рыхлым снегам не адбілася на агульным настроі. Гэта быў выдатны адпачынак на свежым паветры, пазітыўную ноту прыўносілі гульні, бліны з гарачай гарбатай ды каша з палявой кухні.

На думку арганізатараў, падобныя мерапрыемствы вельмі згуртоўваюць калектыў і матывуюць супрацоўнікаў да заняткаў фізкультурай і спортам.

Лыжныя спаборніцтвы далі старт Рэспубліканскай спартакіяды «Беларусбанка» 2015 года.

{gallery_30378}