Жыццё банка
27.02.2015

«Беларусбанк». У цэнтры ідэалогіі – работа з людзьмі (прэс-рэліз)

Асноўныя пытанні ідэалагічнай работы ААТ «ААБ Беларусбанк» у 2015 годзе абмяркоўваліся на Рэспубліканскім семінары ідэалагічнага актыву банка. У прывітальным слове ўдзельнікам семінара старшыня праўлення банка Сяргей Пісарык падкрэсліў, што акцэнт ідэалогіі – людзі з іх праблемамі, цяжкасцямі, імкненнямі. «Кіраванне свядомасцю – гэта сур’ёзная, тонкая, мэтанакіраваная работа па генераванні грамадскіх ідэй. Час лозунгаў прайшоў. Неабходна ісці да чалавека, ведаць яго надзённыя праблемы, і тады мы зможам атрымаць разуменне, падтрымку, кансалідаванасць, карпаратыўны дух», - заявіў кіраўнік.

У ліку запрошаных спікераў семінара Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Лідзія Ярмошына, палітолаг, галоўны рэдактар часопіса «Беларуская думка» Вадзім Гігін, начальнік упраўлення па справах моладзі Міністэрства адукацыі Рэспублікі Беларусь Наталля Пшанічная. Яны акрэслілі асноўныя тэндэнцыі палітычнай і сацыяльна-эканамічнай сітуацыі ў краіне. Аб тым, як наладжана ідэалагічная работа ў банку і як яна будзе будавацца ў перспектыве, расказала начальнік аддзела ідэалогіі ўпраўлення інфармацыі і сацыяльнага развіцця Алена Асмалоўская.

У гэтый жа дзень адбылася III канферэнцыя Арганізацыі па вытворчым прынцыпе ААТ «ААБ Беларусбанк» РГА «Белая Русь». Завершылася мерапрыемства ўзнагароджаннем супрацоўнікаў, якія актыўна займаюцца грамадскай працай.

Прэс-служба ААТ «ААБ Беларусбанк»