Жыццё банка
05.08.2014

Спякотны Ліпень-2014: трэнінгі на траве

25 - 27 ліпеня 2014 года на «Сыпучым востраве» (Валожынскі раён Мінскай вобласці) адбыўся летні маладзёжны бізнес-форум «Ліпень.PRO», у якім у рамках праектаў па фінансавай граматнасці насельніцтва ўзяла ўдзел зборная каманда ААТ «ААБ Беларусбанк».

Бізнес-форум быў арганізаваны для маладых прадпрымальнікаў, менеджараў сярэдняга звяна, студэнтаў, прадстаўнікоў банкаў рэспублікі і проста для неабыякавых людзей, якія займаюцца ўдасканаленнем і самаадукацыяй, жадаюць адкрыць уласную справу.

У якасці спікераў запрошаны вопытныя бізнес-трэнеры, коўчы, капірайтары, крэатары, псіхолагі. Асноўныя, выклікаўшыя асобы інтарэс тэмы: «Пабудаванне сістэмы продажаў, як прадаваць эфектыўна», «Як стаць магнітам для кліентаў», «Як пераўтварыць слова ў грошы», «Як ставіць асабістыя мэты?», «Грошы будучыні», «Мужчыны і жанчыны ў бізнесе - асаблівасці кіравання».

Адметнай асаблівасцю мерапрыемства з'яўлялася тое, што два насычаныя адукацыйныя дні праходзілі ў шатрах пад адкрытым небам, на свежым паветры, у прыгожым лесе. Пражыванне - у фармаце палатачнага лагера. У кожным лагеры вечарамі запальвалася вогнішча, на сцэне працавалі дыджэі, выступалі артысты. Трэнінгавая форма, нефармальныя абставіны, актыўная праца ў групах і парах, уцягванне, «уключэнне» ў тэму, цікавая падача інфармацыі садзейнічалі эфектыўнаму ўспрыняццю матэрыяла.

Вобраз ААТ «ААБ Беларусбанк» быў пазнавальным (палаткі  каманды  былі абазначаны сцяжкамі з лагатыпам банка, майкі і кепкі з лагатыпам Беларусбанка, усім выкладчыкам і арганізатарам мерапрыемства ўручана іміджавая, прадстаўніцкая і рэкламная прадукцыя банка, адбыўся абмен кантактамі).

Беларусбанк, адзіны з усіх удзельнікаў бінес-форума, сіламі каманды па фінансавай граматнасці філіяла №200-Віцебскага абласнога ўпраўлення прадставіў творчы нумар, з дапамогай якога ў даступнай форме і з гумарам усе ўдзельнікі форума былі азнаёмлены з асноўнымі банкаўскімі прадуктамі і паслугамі: сістэмай будаўнічых зберажэнняў, укладамі,  плацежнымі карткамі ў цэлым і міжнароднымі ў прыватнасці, сістэмай безнаяўных разлікаў. Выступленне каманды было з запалам, дынамічным, яркім, з выкарыстаннем  іскрамётных жартаў, са зменай дзеючых асоб. За 15 мінут на канцэртнай пляцоўцы памянялася  15 персанажаў ад  вядучых  да самураяў.

Дастойнае выступленне каманды Беларусбанка выклікала жывы інтарэс, падтрымку і пазітыўную ацэнку з боку ўсіх удзельнікаў і арганізатараў мерапрыемства.

{gallery_29920}