Жыццё банка
29.05.2014

Супрацоўнік Беларусбанка перамог у прэстыжным юрыдычным конкурсе імя У.Д. Спасовіча (прэс-рэліз)

Галоўны юрысконсульт юрыдычнага дэпартамента ААТ «ААБ Беларусбанк» Уладзімір Філіпоўскі атрымаў перамогу ў намінацыі «Гаспадарка і права» дзясятага конкурса інфармацыйных матэрыялаў па прававой тэматыцы на прыз імя У.Д.Спасовіча. Конкурс, які праводзіцца Міністэрствам юстыцыі, ставіць мэтай прапаганду станаўлення прававой дзяржаўнасці ў Беларусі, павышэнне прававой культуры грамадзян, ролі і значэння права, папулярызацыі прафесіі юрыста. Пераможцаў вызначыла камісія, у якую ўвайшлі прадстаўнікі Міністэрства юстыцыі, Канстытуцыйнага суда, Вярхоўнага суда, Нацыянальнай тэлерадыёкампаніі, Нацыянальнага цэнтра прававой інфармацыі, Белдзяржуніверсітэта.

image1

Уладзімір Філіпоўскі стаў адзіным прадстаўніком фінансавага сектару, які быў удастоены такога  высокага прызнання сваіх заслуг у сферы юрыспудэнцыі. Галоўны прыз на прайшоўшай 26 мая 2014 года цырымоніі ўзнагароджання прызёраў і лаўрэатаў пераможцу ўручыў міністр юстыцыі  Алег Сліжэўскі.

image2

Уладзімір Філіпоўскі  з'яўляецца суддзёй Вышэйшага Гаспадарчага Суда Рэспублікі Беларусь у адстаўцы і намеснікам старшыні Трацейскага суда пры Асацыяцыі беларускіх банкаў.

Раней быў узнагароджаны Ганаровай Граматай Савета Міністраў Рэспублікі Беларусь за ўмацаванне законнасці ў сферы эканамічных адносін (у 2001 годзе), а таксама дыпломам за лепшую аўтарскую публікацыю па прапагандзе і ўдасканаленні заканадаўства ў часопісе «Вестник Высшего Хозяйственного Суда Республики Беларусь» за 2008 год.

image3

У ліку іншых прызёраў конкурса - знакамітыя вучоныя-прававеды, натарыусы, адвакаты, прадстаўнікі судзейскага корпуса краіны і ў цэлым сферы юрыспудэнцыі, а таксама прадстаўнікі СМІ.

Даведка: Уладзімір Данілавіч Спасовіч (1829 - 1906) - добра вядомы юрыст тэарэтык і практык, адначасова з'яўляўся відным літаратуразнаўцам і публіцыстам. Нарадзіўся Спасовіч У.Д. у г. Рэчыца Мінскай губерніі ў сям'і медыка. У 1845 годзе скончыў з залатым медалём Мінскую гімназію, у 1849 - юрыдычны факультэт Санкт-Пецярбургскага ўніверсітэта. З 1849 года служыў у Мінітэрстве юстыцыі, у 1851 годзе абараніў магістарскую дысертацыю на кафедры міжнароднага права. З 1857 г. Спасовіч чытаў у Санкт-Пецярбургскім універсістэце лекцыі па крымінальнаму праву.

image4

Паспяхова займаўся навуковай дзейнасцю. Шэраг навуковых распрацовак знайшлі сваё адлюстраванне ў адным з першых расійскіх падручнікаў па крымінальнаму праву. Навуковыя працы Спасовіча У.Д. па міжнароднаму, крымінальнаму, крымінальна-працэсуальнаму праву, а таксама па літаратуразнаўству (гісторыі славянскай літаратуры, еўрапейскім рамантызме, творчасці А.Пушкіна, А. Міцкевіча, У.Шекспіра і інш.) прасякнуты чалавекалюбствам, павагай да асобы і яе перакананняў. Вынікам навуковай дзейнасці У.Д. Спасовіча стала выданне ў 10 тамах яго навуковых прац у 1882-1902гг.

Большасць прагрэсіўных навуковых распрацовак Спасовіча У.Д. былі пакладзены ў аснову Судовых Статутаў 1864 г. У сувязі з узнікненнем у Расіі інстытута адвакатуры ў 1866 г. Спасовіч У.Д стаў адным з першых у Расіі прысяжных павераных. Стаўшы знакамітым судовым аратарам, выклікаў захапленне А.Ф.Коні, які адзначаў прафесіяналізм «караля адвакатуры».

Шматграннасць талентаў У.Д. Спасовіча з'явілася асновай для аб'яднання ў конкурсе матэрыялаў прафесійных юрыстаў і таленавітых журналістаў.

Конкурс імя Уладзіміра Спасовіча праводзіцца з 2004 года.

У конкурсе на прыз імя У.Д.Спасовіча могуць удзельнічаць юрысты, журналісты друкаваных і электронных сродкаў масавай інфармацыі, індывідуальныя аўтары, працы якіх накіраваны на асвятленне прававой тэматыкі ў выглядзе публікацый, артыкулаў і праграм.

Прэс-служба ААТ «ААБ Беларусбанк»