Маладыя супрацоўнікі Беларусбанка робяць стаўку на талент і прафесіяналізм (прэс-рэліз)

Рэспубліканскі маладзёжны прафесійна-мастацкі фестываль «Маладосць, традыцыі, развіццё» адбыўся 25 красавіка ў актавай зале цэнтральнага офіса ААТ «ААБ «Беларусбанк». Права выхаду ў фінальны тур аспрэчвалі каманды прадстаўнікоў усіх банкаўскіх філіялаў і ЦБП.

Маладзёжны фестываль прысвяцілі 110-годдзю прафсаюзнага руху Беларусі і 10-й гадавіне Аб'яднанай прафсаюзнай арганізацыі Беларусбанка.

image1

На фота: Фрагмент выступлення каманды-пераможцы (г.Віцебск)

Падчас конкурснай часткі мерапрыемства каманды ў барацьбе за выхад у фінал дэманстравалі не толькі творчыя і прафесійныя здольнасці, але і эрудыцыю, спрыт, згуртаванасць, кемлівасць. «Калі мы толькі пачыналі конкурс, то думалі, як нам увязаць прафесійную прыналежнасць да банка, маладосць, традыцыі, развіццё. Цяпер магу сказаць, што ўсё атрымалася, усе малайцы! - адзначыла кіраўнік банкаўскай прафсаюзнай арганізацыі Наталля Петрачкова. - Агляды талентаў у банку праводзяцца сістэмна, але падобны - упершыню, паколькі акцэнт быў зроблены на ўдасканаленне прафесійных навыкаў, што, уласна кажучы, і з'яўляецца асноўнай задачай прафсаюза. Да ўсяго, важная і карпаратыўнасць, камандны дух, імкненне да лідарства, а гэта здабываецца ў сумесным жаданні абавязкова перамагчы».  

Трэцяе месца ў прадстаўнікоў Мінскай вобласці, другое - у Гродна. Пераможцай жа стала каманда з Віцебска.

Прэс-служба ААТ «ААБ Беларусбанк»