Інтэрв'ю з кіраўніком
05.02.2018

Прыцягненне «Магніта»

У апошні час рынак картачных прадуктаў развіваецца вельмі дынамічна: складана ўсачыць за ўсімі навінкамі і выбраць для сябе тую самую ідэальную карту. Сёння трэнд ў выбары плацежных картак зрушыўся ў бок іх максімальнай функцыянальнасці. Так усё больш беларусаў цікавяцца магчымасцю набыцця карты растэрміноўкі, якая спалучае ў сабе ўласцівасці дэбетавай і крэдытнай карты.

Падрабязней даведацца аб адным з такіх прадуктаў - карце растэрміноўкі «Магніт» - нам дапаможа намеснік Старшыні Праўлення «Беларусбанка» Святлана Кажэкіна.

КАРТА «МАГНІТ» ДАЗВАЛЯЕ КУПЛЯЦЬ ТАВАРЫ Ў РАСТЭРМІНОЎКУ ПА ПРЫНЦЫПЕ «ТУТ І ЦЯПЕР»

- Святлана Генадзьеўна, год назад Беларусбанк прэзентаваў карту растэрміноўкі «Магніт». За гэты час «Магніт» паспеў заваяваць папулярнасць сярод беларускіх пакупнікоў, а таксама сярод партнёраў банка: на сённяшні дзень партнёрская сетка складае каля 14 тыс. арганізацый. Чым цікавая гэта карта для спажыўцоў і як яна можа дапамагчы ў вырашэнні надзённых задач?

- Карта растэрміноўкі «Магніт» дазваляе купляць тавары ў растэрміноўку па прынцыпе «тут і цяпер», без неабходнасці афармлення дадатковых даведак аб даходах і выплаты камісіі за карыстанне крэдытам. Гэта вельмі зручна, улічваючы, што не заўсёды ёсць магчымасць адкласці куплю і разлічыцца пазней. Максімальны перыяд растэрміноўкі, які прапануюць па карце «Магніт» арганізацыі-партнёры (іх, як Вы правільна адзначылі, каля 14 тыс.) складае 12 месяцаў - значны тэрмін для таго, каб вырашыць надзённыя фінансавыя задачы. Так, напрыклад, у медыцынскім цэнтры «Нардзін» растэрміноўка складае 3 месяцы, у сетцы крам «Карона» - 4 месяцы, у крамах «Электрасіла» - 5 месяцаў, ювелірнай сеткі «7 карат» - 7 месяцаў і г.д. Актуальны спіс партнёраў размешчаны на лендынгавай старонцы.

- Ці плануеце Вы і далей гэтак жа інтэнсіўна нарошчваць колькасць партнёраў?

- Так, у бягучым годзе мы разлічваем яшчэ больш пашырыць партнёрскую сетку, у сувязі з гэтым выкарыстоўваем новыя формы ўзаемавыгаднага супрацоўніцтва. У мінулым годзе банк запусціў прынцыпова новую партнёрскую праграму, якая на аснове тэхналогіі штрыхавога кадзіравання дазваляе інтэграваць картачныя прадукты ў дзеючыя дысконтныя праграмы гандлёвых сетак. У гэтым годзе мы плануем рухацца ў гэтым кірунку.

ВЫКАРЫСТОЎВАЕЦЕ ЎЛАСНЫЯ СРОДКІ? МАЕЦЕ МАГЧЫМАСЦЬ ВЯРНУЦЬ НАЗАД ДА 12 ПРАЦЭНТАЎ!

Супрацоўніцтва з банкам па годнасці ацанілі як арганізацыі-партнёры, для якіх гэта спосаб павысіць лаяльнасць існуючых кліентаў і прыцягнуць новых, так і самі кліенты банка - трымальнікі картак , для якіх «Магніт» - гэта ў першую чаргу зручнасць, фінансавая свабода, і ўжо ў другою - магчымасць атрымання дадатковых бонусаў.

дополнительных бонусов.

- Скажыце, пра якія бонусы ідзе гаворка?

- Акрамя магчымасці рабіць пакупкі ў растэрміноўку, кліент можа выкарыстоўваць «Магніт» у якасці дэбетавай карты, гэта значыць, папоўніўшы ўласнымі сродкамі, разлічвацца картай паўсюдна. Бонусы кліент пачынае атрымліваць, калі разлічваецца ўласнымі сродкамі ў крамах-партнёрах - гэта так званы cash-back, які складае ад 1% да 12%. На сённяшні дзень гэта вельмі высокі памер cash-back сярод беларускіх банкаў.

- Гэта значыць картай растэрміноўкі «Магніт» можна разлічвацца не толькі ў крамах-партнёрах?

- Менавіта так. Разлічыцца картай «Магніт» можна ва ўсіх арганізацыях гандлю і сэрвісу. Але ў арганізацыях, якія пакуль не з'яўляюцца нашымі партнёрамі, карту «Магніт» можна выкарыстоўваць як дэбетавую пры разліках ўласнымі сродкамі або як крэдытную - пры разліках за кошт авердрафту. Працэнт па крэдыце (авердрафце) устанаўліваецца ў памеры стаўкі рэфінансавання (11%) + 3 працэнтныя пункты. На сённяшні дзень гэта 14% гадавых. Пры гэтым, здзяйсняючы першую расходную аперацыю ў арганізацыях гандлю і сэрвісу, якія не ўдзельнічаюць у партнёрскай праграме банка, на 30 дзён прадастаўляецца grace-перыяд (ільготны перыяд) па авердрафце з працэнтнай стаўкай - 0,0001%. Паколькі карта растэрміноўкі «Магніт» з'яўляецца міжнароднай, разлічвацца ёй можна паўсюль.

АКТЫЎНЫ ПАКУПНІК ЗА АБСЛУГОЎВАННЕ КАРТЫ МОЖА НЕ ПЛАЦІЦЬ

- Святлана Генадзьеўна, які поўны кошт карты?

- Кошт карты складаецца з абавязковага аднаразовага плацяжу і кошту абслугоўвання. Аднаразовая плата за набыццё карты складае 4 BYN. У далейшым плата за абслугоўванне спаганяецца штомесяц і залежыць ад транзакцыйных паводзін кліента: калі сума штомесячных безнаяўных разлікаў складзе больш за 50 BYN, абслугоўванне карты бясплатнае, калі менш - спаганяецца плата ў памеры 1 BYN.

- Скажыце, ці можна аформіць карту дыстанцыйна?

- Мы прадугледзелі розныя варыянты і каналы афармлення карты на выбар кліента. Заяўку можна пакінуць у рэжыме анлайн на сайце банка, праз Інтэрнэт-банкінг, М-банкінг, інфакіёск, у любым аддзяленні банка, а таксама патэлефанаваўшы ў Кантакт-цэнтр «Беларусбанка» па нумары - 147. Мы робім усё магчымае, каб выкарыстанне карты растэрміноўкі «Магніт» на ўсіх этапах было максімальна камфортным. Бо калі вы робіце тое, што вам падабаецца, вы адчуваеце неверагоднае прыцягненне, накшталт магнетызму. Менавіта такое ўражанне ад выкарыстання карты растэрміноўкі «Магніт» мы жадаем пакідаць у нашых кліентаў, каб цалкам адпавядаць яго назве.

 

Газета «Камсамольская праўда»

№ 21 ад 31 студзеня 2018 года