Свабодны выбар. Беларусбанк прапануе сваім кліентам падарожнічаць, рабіць пакупкі, быць фінансава абароненымі і атрымліваць прыемныя бонусы

Адзін з самых папулярных банкаў краіны — Беларусбанк — традыцыйна асацыіруецца з надзейнасцю і карыстаецца даверам у насельніцтва. Таму не дзіўна, што мільёны беларусаў аддаюць перавагу менавіта яму. У гэтым годзе Беларусбанк адзначыць сваё 95-годдзе. Сёння пра новыя паслугі і тэхналогіі найбуйнейшага фінансавага інстытута краіны расказвае намеснік начальніка філіяла № 300 — Гомельскага абласнога ўпраўлення ААТ “ААБ Беларусбанк” Людміла КАЛАСОК.

 kolosok

— Людміла Васільеўна, якімі навінкамі Беларусбанк можа парадаваць сваіх кліентаў?

— Наш банк заўсёды імкнуўся адпавядаць сучасным тэндэнцыям і чаканням насельніцтва. І мы працягваем працаваць для таго, каб зрабіць жыццё грамадзян краіны максімальна зручным і камфортным. Напрыклад, у юбілейны для нас год мы прапануем сваім кліентам уступіць у клубы “Карт-бланш”, #настарт, “Аксаміт”. Гэта не проста банкаўскія прадукты, а, можна сказаць філасофія, якая прадастаўляе поўную свабоду дзеянняў.

Скажам, членскім білетам Клуба “Карт-бланш” стане бескантактавая карта Mastercard Gold, якую можна аформіць на выбар у беларускіх, расійскіх рублях, еўра або доларах. Бясплатны бонус да карты — Інтэрнэт-банкінг і SMS-апавяшчэнне аб прыходных і расходных аперацыях.

Члены клуба “Карт-бланш” могуць аформіць Інтэрнэт-крэдыт па зніжанай стаўцы, па Інтэрнэт-дэпазіце прадастаўляцца павышаная працэнт­ная стаўка. Трымальнікі бескантактавай карты Mastercard Gold зэкономяць 15% пры заключэнні дагавору добраахвотнага страхавання ад траўм “Экспрэс” і комплекснага страхавання маёмасці і грамадзянскай адказнасці. А таксама змогуць карыстацца паслугай cash-back — вяртання на рахунак працэнтаў ад здзейсненых аперацый. Да 1% — ад сумы пакупак, у тым ліку за мяжой; 2% — ад аплаты за мяжой у катэгорыі “Гасцініцы і атэлі”, “Авіябілеты”, “Чыгуначныя і аўтобусныя білеты”; 5% — ад кошту білетаў, заказаных на сайце Беларускай чыгункі. Акрамя таго, можна зняць наяўныя грошы ў любых банкаматах за мяжой са зніжанай камісіяй —1%.

— Мяркуючы па назве другога прадукта — Клуб #настарт — гэта прапанова для моладзі?

— Так. Гэты прадукт арыентаваны на студэнтаў, пачынаючых работнікаў і ўвогуле актыўную і мабільную частку нашых кліентаў. Ключ для ўступлення ў клуб — міжнародная бескантактавая карта Visa Electron (можа быць аформлена дыстанцыйна, у беларускіх, расійскіх рублях, еўра або доларах) з магчымасцю бясплатнага падключэння Інтэрнэт-банкінгу і SMS-апавяшчэння. Члены клуба ў Інтэрнэт-банкінгу могуць аформіць крэдыт “Інтэрнэт-Партнёр” па зніжанай на 2 працэнтныя пункты стаўцы і аформіць Інтэрнэт-дэпазіт “Трэнд безадзыўны” з павышанай на 0,5 працэнтнага пункта стаўкай.

Адна з самых прывабных пераваг маладзёжнага Клуба #настарт, вядома ж, вяртанне грошай ад пакупак, ажыццяўляемых у Інтэрнэце. Зэканоміць на адзенні і абутку, набываемых на папулярных платформах www.lamoda.by і www.wildberries.by, можна 1,5%.

І яшчэ. Спецыяльна для актыўных падарожнікаў і членаў клуба – аматараў экстрыму Беларусбанк прапануе заключыць дагавор аб добраахвотным страхаванні ад траўм “Экспрэс” і дагавор комплекснага страхавання маёмасці і грамадзянскай адказнасці са скідкай 15%.

Cash-back у 1% дзейнічае пры аплаце паслуг атэляў, куплі авіябілетаў, чыгуначных і аўтобусных білетаў праз Інтэрнэт. На ўдзельнікаў клуба распаўсюджваецца і дзеянне праграмы лаяльнасці “Экспрэс”, яка япрадугледжвае вяртанне 3% сродкаў пры аплаце праз Інтэрнэт-банкінг і М-банкінг праязных білетаў на сайце БЧ.

— Сёння ўсё больш беларусаў імкнуцца планаваць сваё жыццё на пенсіі. Сучасныя пенсіянеры могуць дазволіць сабе доўгачаканую паездку, займаюцца на камп’ютарных або моўных курсах. У Беларусбанка ёсць прапановы для гэтай катэгорыі кліентаў?

— Безумоўна. Каб ажыццявіць задуманае, мы прапануем сваім кліентам стаць удзельнікамі Клуба “Аксаміт” і атрымаць права на шэраг значных пераваг. Для гэтага неабходна аформіць плацежную картку БЕЛКАРТ-ПРЭМІУМ-Maestro з тэрмінам дзеяння 3 гады як да новага, так і да дзеючага рахунку ў беларускіх рублях. Гэта міжнародная карта, а таму больш  зручны і надзейны плацежны сродак як на тэрыторыі Беларусі, так і за мяжой.

Акрамя таго, удзельнікі Клуба “Аксаміт” бясплатна падключаюцца да сістэмы “Інтэрнэт-банкінг”, да паслугі “SMS-апавяшчэнне” аб прыходных аперацыях па картцы (пры залічэнні пенсіі на рахунак на пазначаны кліентам тэлефон прыходзіць SMS-паведамленне).

Але самым прыемным момантам для ўдзельнікаў Клуба з’яўляецца тое, што яны эканомяць 5% ад кожнай пакупкі, здзейсненай ў аптэках, медыцынскіх цэнтрах, стаматалагічных кабінетах і медыцынскіх установах па ўсім свеце.

Штодзённыя пакупкі таксама не засталіся без увагі і дазваляюць вярнуць на рахунак 3% ад плацяжу ў найбуйнейшых сеткавых магазінах рэспублікі. Напрыклад, у сетцы магазінаў “Еўраопт”, “Суседзі”, “Рублёўскі”, “Белмаркет” і іншых.

Парадуе пенсіянераў і бонус у памеры 1% ад сумы пры аплаце ў каналах дыстанцыйнага банкаўскага абслугоўвання камунальных і іншых паслуг праз сістэму “Разлік” (АРІП).

Будучы членам Клуба можна аформіць крэдыт “Час жыць” з паніжанай працэнтнай стаўкай на 3 працэнтныя пункты (у цяперашні час стаўка па крэдыце складае 11% гадавых), а таксама адкрыць уклад “Класік Безадзыўны да года” ў беларускіх рублях з павышанай працэнтнай стаўкай на 1 працэнтны пункт.

— Зараз даволі папулярныя карты растэрміновак. Беларусбанк выпускае нешта падобнае?

— Канешне ж! Напрыклад, карта растэрміноўкі “Магніт”. Гэта міжнародная карта Masterсard Standard з бескантактавай тэхналогіяй PayPass, з тэрмінам  дзеяння 3 гады. Яе перавага ў тым, што можна ажыццяўляць пакупкі ў магазінах-партнёрах банка з растэрміноўкай плацяжу да 12 месяцаў. Сash-back ад здзейсненых аперацый — да 12 %. Па гэтай карце можна неабмежаваную колькасць разоў і бясплатна мяняць ПІН-код. Таксама бясплатна ажыццяўляюцца рэгістрацыя ў сістэме Інтэрнэт-банкінг з выдачай карты кодаў сістэмы Інтэрнэт-банкінг ва ўстановах банка, SMS-інфармаванне аб памеры штомесячнага плацяжу па авердрафце і працэнтах за карыстанне ім.

— Падкажыце, хто і дзе можа аформіць карту растэрміноўкі або іншую з вышэйпералічаных?

— Любы чалавек, які пастаянна пражывае і мае пастаянную крыніцу даходаў у Рэспубліцы Беларусь. Аформіць карту можна ў любым аддзяленні нашага банка, тэрытарыяльна блізкім і зручным для кліента.

— Людміла Васільеўна, падкажыце, як захаваць грошы так, каб не страціць іх пакупніцкую здольнасць?

— Калі вы жадаеце абараніць і павялічыць свае зберажэнні — трэба выбраць надзейны інструмент, які  забяспечвае рост капіталу. Сёння большасць насельніцтва па-ранейшаму выбірае вядомы і просты від зберажэнняў — банкаўскі ўклад. І гэта правільна. У цяперашні час Беларусбанк прапануе шырокі выбар укладаў у беларускіх рублях і замежнай валюце. Іх умовы дазваляюць максімальна задаволіць пажаданні кліентаў па тэрміне захоўвання, магчымасці накаплення, ажыццяўлення расходных аперацый і ўзроўні даходнасці.

Цікавая прапанова сярод навінак — “Свабодны выбар”, які ўключае ў сябе шэраг узаемазвязаных банкаўскіх прадуктаў. Я б назвала яго запасным кашальком, які выручыць у складанай сітуацыі.

Гэта “безадзыўны” ўклад у беларускіх рублях з дастаткова высокімі стаўкамі і тэрмінам захоўвання 11 месяцаў (12,3% гадавых) або 24 месяцы (13,8% гадавых), які можна папаўняць без абмежаванняў. Дарэчы, працэнты па ўкладзе з тэрмінам захоўвання 24 месяцы не падлягаюць падаткаабкладанню.

Акрамя таго, кліент мае бясплатную магчымасць атрымаць міжнародную плацежную картку БЕЛКАРТ-Maestro на 3 гады з бясплатным жа падключэннем Інтэрнэт-банкінгу і адкрытым (па жаданні) авердрафтным крэдытам.

 

Да ўвагі кліентаў!

Па 30 чэрвеня ў Беларусбанку праводзіцца акцыя па зніжэнні гадавой працэнтнай стаўкі па авердрафце з разліку стаўкі рэфінансавання (у цяперашні час 14% гадавых).

 

— Вядома, што стаўкі па ўкладах плаваючыя і могуць у любы момант змяніцца. Як пазбегнуць лішніх хваляванняў на гэты конт?

— Можна адкрыць уклад з фіксаванай стаўкай. Напрыклад, уклад “Класік Безадзыўны на 1 год”, са стаўкай 10,7% гадавых. Сума атрыманага даходу па гэтым укладзе не падлягае падаткаабкладанню.

— У апошні час вялікую папулярнасць набылі аблігацыі, яны карыстаюцца попытам і, вобразна кажучы, разбіраюцца як гарачыя піражкі. Ці можна іх набыць сёння?

— Безумоўна. Аблігацыі ўдала спалучаюць у сабе вартасці каштоўнай паперы і банкаўскага ўкладу. Перш за ўсё, аперацыя ажыццяўляецца без дакументаў, якія сведчаць асобу (за некаторым выключэннем). Іх можна перапрадаць або падарыць. Мы таксама прадастаўляем паслугу захоўвання каштоўных папер у банку.

 

З 19 мая пачынаецца размяшчэнне новых выпускаў аблігацый банка на прад’яўніка, намініраваных у доларах ЗША са стаўкай даходу 3,5% гадавых. Аблігацыі ў еўра з фіксаванай стаўкай даходу 5,0% гадавых можна набыць ужо сёння.

 

Карыстаючыся выпадкам, хачу выказаць падзяку чытачам, нашым кліентам і парт­нёрам за давер Беларусбанку. Мы і надалей будзем прыкладаць максімум намаганняў для прадастаўлення поўнага комплексу банкаўскіх паслуг, павышэння якасці абслугоўвання, стварэння камфортных умоў у нашых аддзяленнях. Мы цэнім сваіх кліентаў, беражліва ставімся да іх грошай і часу.

Бяседу вяла

Ксенія Комар

Атрымаць кваліфікаваную кансультацыю спецыялістаў па ўсіх пытаннях банкаўскага абслугоўвання можна ў любым аддзяленні ААТ «ААБ Беларусбанк», на сайце www.belarusbank.by або па тэлефоне 147.