Кнігі, сертыфікаты і ўвага. Як «Беларусбанк» «адзначыў» 1 верасня

Да Дня ведаў падарункі і святочны настрой банк дарыў не толькі дзецям сваіх супрацоўнікаў, але і многім адрасатам, якія маюць патрэбу ў матэрыяльнай і маральнай падтрымцы.

Так, у рамках рэалізацыі праекта «Беларусбанк. Мост у будучыню» бязвыплатную дапамогу атрымалі 20 падшэфных школ  і дзіцячых садкоў з усіх абласцей рэспублікі. Дзякуючы гэтаму «падапечныя» банка набылі сучасныя сродкі навучання, школьную мэблю, ігравое і спартыўнае абсталяванне. А «Спецыялізаваны ліцэй МУС Рэспублікі Беларусь» —  інтэрактыўную дошку.

У рамках праекта «Беларусбанк. Бацькоўскі кут» спонсарскую дапамогу (у выглядзе сертыфікатаў на 1500 BYN) атрымалі 14 дзіцячых дамоў сямейнага тыпу, катэджы для якіх пабудаваў банк.

sertificat-2016

— Ваша матэрыяльная падтрымка стала вялікай падмогай у падрыхтоўцы дзяцей да школы, — падзялілася мнагадзетная мама-выхавацель Раіса Макей, якія разам з  прыёмнымі дзецьмі жывуць у банкаўскім катэджы ў пасёлку Чысць Маладзечанскага раёна. —На працягу ўсіх гадоў мы адчуваем вашу дапамогу і ўдзел у жыцці нашай сям’і. З банкам мы ўжо парадніліся, за што вялікі дзякуй кіраўніцтву і ўсяму калектыву.

Супрацоўнікі банка актыўна падключыліся да акцыі «Кніга — лепшы сябар і падарунак», якая прайшла па ўсёй сетцы. Кнігі з хатніх бібліятэк, а таксама набытыя выданні, з падпісанай карткай-укладышам со словамі падтрымкі і пажаданнямі адрасату, адправяцца да дзетак з сацыяльных прытулкаў, школ-інтэрнатаў для дзяцей-сірот, дзіцячых медыцынскіх устаноў.

Шэраг дабрачынных акцый правялі таксама прафкамы падраздзяленняў банка па ўсёй рэспубліцы.

1-september-2016