14 дамоў сямейнага тыпу — 14 шчаслівых сем’яў

У Міжнародны дзень сям’і «Беларусбанк» арганізаваў сустрэчу з сем’ямі, якія выхоўваюць прыёмных дзяцей, для каторых прафінансаваў будаўніцтва катэджаў. Усяго ў сталіцу з розных вугалкоў Беларусі прыехала 14 сем’яў.

Падобнае мерапрыемства банк праводзіць не ўпершыню. З кожным годам усё больш і больш дзяцей і іх бацькоў сустракаюцца ў сценах галаўнога офіса «Беларусбанка», дзе для іх арганізуюцца не толькі экскурсіі, але і забаўляльныя праграмы. У гэтым годзе супрацоўнікі банка вырашылі крыху змяніць фармат сустрэчы і месца яе правядзення. У год святкавання 70­-годдзя Вялікай Перамогі сем’і сабраліся ў музеі Вялікай Айчыннай вайны.

Дзеці і іх бацькі пасля знаёмства з экспазіцыяй музея сустрэліся ў зале Перамогі, дзе іх ужо чакалі прадстаўнікі кіраўніцтва банка, грамадскіх арганізацый, супрацоўнікі музея. Са святам дзяцей і іх бацькоў павіншаваў і ўручыў падарункі намеснік Старшыні Праўлення Уладзімір Занько. Таксама кожная сям’я атрымала на памяць фотаальбом «Перамога. Помнім і ганарымся», які стаў сумесным праектам «Беларусбанка» і інфармацыйнага агенцтва «БелТА».

Але, мабыць, самымі чакаемымі для маленькіх былі спартыўныя гульні на прызы «Белай Русі» і сустрэча з алімпійскай чэмпіёнкай Аляксандрай Герасіменяй, якая правяла для дзетак віктарыну і аўтографсесію. Ніводнага дзіцяці не засталося без увагі, чароўнай усмешкі і аўтографа Аляксандры, якая ахвотна пагаджалася фатаграфавацца і «сэлфіцца» з кожным жадаючым.