Інфармуем аб новых магчымасцях даступных у абноўленай версіі дадатку «M-Belarusbank» для мабільных прылад Apple (АС iOS)!
Атрымаць доступ у абноўлены дадатак мабільнага банкінгу ААТ «ААБ Беларусбанк» цяпер стала магчымым не толькі па адбітку пальца (Touch ID) або пры дапамозе кароткага PIN-кода, але таксама з прымяненнем тэхналогіі аўтэнтыфікацыі карыстальніка па твары - Face ID.*
Ужыванне гэтай тэхналогіі аўтэнтыфікацыі адбываецца шляхам сканіравання твару і параўнання яго з раней запісанай структурнай картай твару.
Акрамя таго, у абноўленай версіі дадатку мабільнага банкінгу цяпер можна адначасова выкарыстоўваць два спосабы аўтарызацыі: з прымяненнем PIN-кода і аднаго са спосабаў біяметрычнай аўтэнтыфікацыі Touch ID або Face ID.
Абноўленая версія дадатку ўжо цяпер даступная для бясплатнай устаноўкі ў краме дадаткаў App Store!
* – пры ўмове падтрымкі гэтага функцыяналу мабільнай прыладай.