Архіў за 2013-2017 гг.
23.09.2016

Інфармацыя аб пераводзе (змяненні катэгорыі/тыпу) акцый ААТ "ААБ Беларусбанк"

Паважаныя акцыянеры ААТ «ААБ Беларусбанк»!

        Звяртаем вашу ўвагу, што ў адпаведнасці з рашэннем пазачарговага Агульнага сходу акцыянераў ААТ «ААБ Беларусбанк»

№ 7 ад 28.11.2013 заявы акцыянераў-фізічных асоб, маючых права на перавод (змяненне катэгорыі/тыпу) акцый, прымаюцца штогод да 1 кастрычніка (уключна). Перавод (змяненне катэгорыі/тыпу) магчымы:

  • у прывілеяваныя акцыі ААТ «ААБ Беларусбанк» першага тыпу па заявах фізічных асоб, якія з’яўляліся акцыянерамі ААТ «ААБ Беларусбанк» на 01.01.2011:

- простых (звычайных) акцый, набытых да 01.11.2013(уключна);

- прывілеяваных акцый другога тыпу;

- простых (звычайных) акцый пры ўмове бесперапыннага валодання імі не менш за 2 гады, набытых пасля 01.11.2013;

  • у прывілеяваныя акцыі ААТ «ААБ Беларусбанк» другога тыпу па заявах фізічных асоб, якія сталі акцыянерамі пасля 01.01.2011

- простых (звычайных) акцый пры ўмове бесперапыннага валодання імі не менш за 2 гады.

Даведка: Калі Вы прымеце рашэнне аб пераводзе ўсіх прыналежных Вам простых акцый і/або прывілеяваных акцый другога тыпу – адзначце варыянт «у поўным аб’ёме» пры запаўненні заявы.
Калі Вы прымеце рашэнне ажыццявіць частковы перавод акцый – у прыкладаемай заяве ўкажыце колькасць простых акцый і/або прывілеяваных акцый другога тыпу, якія пераводзяцца.
Аб колькасці прыналежных Вам простых і/або прывілеяваных акцый Вы можаце атрымаць інфармацыю, звярнуўшыся ў бліжэйшы дэпазітарый банка (спіс дэпазітарыяў з указаннем іх адрасоў змешчаны на сайце ААТ «ААБ Беларусбанк»). Пры гэтым Вам неабходна прад’явіць свой дакумент, які сведчыць асобу, і аплаціць за атрыманне выпіскі па рахунку «дэпо» згодна са Зборнікам узнагароджанняў за аперацыі, выконваемыя ААТ «ААБ Беларусбанк».
У выпадку змянення Вашых пашпартных і/або адрасных даных просім Вас праінфармаваць банк аб названых змяненнях.

Запоўненыя заявы прымаюцца па адрасе: 220089, г.Мінск, пр.Дзяржынскага, 18, ААТ «ААБ Беларусбанк» з адзнакай «Для сектара карпаратыўнага кіравання».

   У выпадку ўзнікнення дадатковых пытанняў звяртайцеся па тэлефонах: +375 17 309 04 08; +375 17 309 11 23.